گەرمانيا ءبىلىم جۇيەسى تۋرالى
نەمىس مەكتەپتەرىندە 1 - وتە جاقسى باعا بولسا، 6 - ەڭ ناشار باعا. باستاۋىش مەكتەپتەن كەيىن وقۋشىلاردى ۇلگەرىمى مەن تارتىبىنە قاراي جاي مەكتەپتەر مەن گيمنازيالارعا ءبولىپ تاستايدى. ال ۋنيۆەرسيتەتكە تەك قانا گيمنازيا وقۋشىلارى تۇسە الادى. گەرمانيادا جوعارى ءبىلىم تەگىن بەرىلەدى.
ۋنيۆەرسيتەتتەردە ارنايى بەكىتىلگەن باعدارلامالار جوق، ستۋدەنتتەر ءوز كۋرستارىنىڭ باعدارلاماسىن بىرلەسە جاسايدى. اكادەميالىق بوستاندىق ساباقتارعا كىرمەۋگە، كۋرس باعدارلاماسىن وزگەرتۋگە، ءوز بەتىڭمەن دايىندالۋعا، قوسىمشا ساباقتارعا قاتىسۋعا مۇمكىندىك بەرگەن. ۋنيۆەرسيتەتكە ءتۇسۋ ءۇشىن ەشقانداي ەمتيحان قاجەت ەمەس، نەمىس ءتىلى مەن اعىلشىن ءتىلىن جاقسى مەڭگەرگەندىگى تۋرالى قاعاز وتكىزىلسە جەتىپ جاتىر.
كەيبىرەۋلەرىنىڭ ۋنيۆەرسيتەتكە ءتۇسۋ جولى وتە ۇزاق بولادى. قابىلەتتىلەرى گيمنازيادان كەيىن بىردەن ءتۇسىپ كەتە الادى. ءبىرىڭعاي تەستتەن ءارقايسىسى وتۋگە مىندەتتى.
وسىدان 6-7 جىل بۇرىن «باكالاۆر» مەن «ماگيستراتۋرانى» ەنگىزدى. قازىر مودۋلمەن وقىتادى. ۋنيۆەرسيتەتتە اركىم ءوز جوسپارىن ءوزى ازىرلەيدى.
شەتەلدىك ۋنيۆەرسيتەت قازاقستاندىق ج و و- لاردان ەرەكشەلىگى ەركىندىگىمەن ەرەكشەلەنەدى. وزىڭە قاجەت نارسەنى ءوز ەركىڭمەن وقيسىڭ. سەسسيادا ەسسە جازاتىن بولساڭىز، ءيا رەفەرات دايىنداساڭىز، تاقىرىپتى سەمينارعا بايلانىستى تاڭداۋعا قۇقىعىڭىز بار. ءتىپتى ەمتيحان ءتۇرىن، ۋاقىتىن دا ءوزىڭىز بەلگىلەي الاسىز. سەسسيانى سەمەستردىڭ العاشقى اپتالارىندا دا جاۋىپ تاستاۋ مۇمكىندىگىڭىز بار.
ەمتيحان ءتۇرى 15-25 بەت ەسسە جازۋ، 30-90 مينۋتقا دەيىن اۋىزشا رەفەرات پرەزەنتاتسياسى نەمەسە اۋىزشا ەمتيحان.
كەيبىر پروفەسسورلار الدىن الا قانشا كىتاپ قولدانۋ كەرەك ەكەنىن ايتادى. جانە دە مۇنداعى ۋنيۆەرسيتەتتەردە ءتۇرلى جاقسى جاعدايلار جاسالعان.
مىسالى: كىتاپحانانىڭ بايلىعى، كىتاپحانادا ينتەرنەت ارقىلى گەرمانيا بويىنشا كىتاپقا تاپسىرىس بەرۋ مۇمكىندىگى، دۇنيە جۇزىندەگى ۇزدىك عىلىمي دەرەكقورلارعا ەركىن كىرۋ مۇمكىندىكتەرى، ماگيستراتۋرالىق ديسسەرتاتسيا جازۋعا ارنالعان كىشكەنتاي، ءبىر ادامدىق بولمەلەر، وزىڭمەن الىپ جۇرەتىن كىلتتى كىشكەنتاي جەكە شكافتار، سپورتتىڭ ءتۇر-ءتۇرى. جاقسى وقۋعا ۋنيۆەرسيتەت تاراپىنان بار جاعداي جاسالعان. تىپتى بالالى ستۋدەنتتەرگە ارنايى بالاباقشا دا بار.
bilim-all.kz