وزبەكستاندا قازاقستان جىلىن وتكىزۋگە قاتىستى بىرلەسكەن ءىس- شارالاردىڭ جوسپارى بەكىتىلەدى

استانا. قازاقپارات - تاشكەنتتە قازاقستان مەن وزبەكستان اراسىنداعى ەكىجاقتى ىنتىماقتاستىق جونىندەگى ۇكىمەتارالىق كوميسسياسىنىڭ وتىرىسى وتەدى، دەپ حابارلايدى قازاقپارات ءتىلشىسى.

«وسى اپتادا تاشكەنتتە قازاقستان مەن وزبەكستاننىڭ رەسمي وكىلدەرى اراسىندا ءبىرقاتار ءىس- شارالار، سونداي- اق ورتالىق ازيا مەملەكەتتەرى اراسىندا كوپجاقتى فورماتتا كەزدەسۋلەردى وتكىزۋ جوسپارلانعان. اتاپ ايتقاندا، 15 - ناۋرىزدا وزبەكستان استاناسىندا قازاقستان مەن وزبەكستان اراسىنداعى ەكىجاقتى ىنتىماقتاستىق جونىندەگى بىرلەسكەن ۇكىمەتارالىق كوميسسياسىنىڭ 18- وتىرىسى وتەدى. كوميسسيانىڭ جۇمىسىندا قازاقستان دەلەگاتسياسىن پرەمەر- ءمينيسترىنىڭ ورىنباسارى جەڭىس قاسىمبەك، ال وزبەكستان تاراپىن - پرەمەر- ءمينيستردىڭ ءبىرىنشى ورىنباسارى - كولىك ءمينيسترى اچيلباي راماتوۆ باسقارادى» ، - دەيدى ق ر س ءى م رەسمي وكىلى ايبەك سمادياروۆ ۆەدومستۆودا وتكەن باسپا ءسوز ءماسليحاتىندا.

ونىڭ ايتۋىنشا، وتىرىستىڭ كۇن تارتىبىنە ەكىجاقتى ساۋدا- ەكونوميكالىق ىنتىماقتاستىق، ونىڭ ىشىندە ەكى ەل اراسىنداعى تاۋار اينالىمىن ارتتىرۋ، اۋىل شارۋاشىلىعى، سۋ- ەنەرگەتيكالىق، عارىش جانە اقپاراتتىق سالالارداعى ءوزارا ءىس- قيمىل، ترانزيت- كولىكتىك ىنتىماقتاستىق، سونداي- اق ءوڭىرارالىق جانە شەكارا ماڭىنداعى بايلانىستاردى دامىتۋ ماسەلەلەرى ەنگىزىلگەن.

تاراپتار سونداي- اق مادەني- گۋمانيتارلىق، ءبىلىم، عىلىم، دەنساۋلىق ساقتاۋ جانە تۋريزم سالالارىنداعى ەكىجاقتى ىنتىماقتاستىق ماسەلەلەرىن تالقىلاماق.

«وعان قوسا، وتىرىس بارىسىندا 2019 -جىلى وزبەكستاندا قازاقستان جىلىن وتكىزۋ جونىندەگى بىرلەسكەن ءىس- شارالار جوسپارىنىڭ قابىلدانۋى جوسپارلانۋدا. قازاقستان مەن وزبەكستان اراسىنداعى ىنتىماقتاستىق تاقىرىبىن جالعاستىرا كەلسەك، 2018 -جىلى ەكى ەل اراسىنداعى تاۋار اينالىمى 2 ميلليارد 488 ميلليون ا  قش دوللارىن قۇرادى. بۇل كورسەتكىش 2017 -جىلمەن سالىستىرعاندا %,3  عا جوعارى. قازاقستاننان ەكسپورت 31,6 پايىزعا ءوسىپ، 1 ميلليارد  643 ميلليون دوللارىن قۇراسا، وزبەكستاننان يمپورت 14,8 پايىزعا ءوسىپ، 845 ميلليون دوللارعا جەتتى» ، - دەيدى ول.

ايبەك سمادياروۆ سونداي- اق، 15 - ناۋرىزدا وزبەكستان استاناسىندا «ورتالىق ازيا كووپەراتسياسى: ءوزارا ءتيىمدى دامۋ پەرسپەكتيۆالارى» تاقىرىبىندا ءبىرىنشى ورتالىق ازيا ەكونوميكالىق فورۋمى وتەتىنىن حابارلادى. ءىس- شارادا قازاقستان دەلەگاتسياسىن پرەمەر- ءمينيستردىڭ ورىنباسارى جەڭىس قاسىمبەك باسقارادى. ايتا كەتەرلىك جايت، اتالعان فورۋم ورتالىق ازيا ەلدەرىنىڭ باسشىلارى اراسىنداعى 2018 -جىلعى ناۋرىزدا استانادا وتكەن العاشقى كونسۋلتاتيۆتىك كەزدەسۋ بارىسىندا قول جەتكىزىلگەن ۋاعدالاستىق ناتيجەسىندە وتكىزىلەدى.

 سونىمەن قاتار، فورۋم قارساڭىندا «Kazakh Export» ەكسپورتتىق ساقتاندىرۋ كومپانياسى» ا ق وزبەكستاندا ءوز وكىلدىگىن اشادى.