الماتىدا كاسىپقوي بوكس كەشى وتەدى

بوكس كەشىن ناۋرىز مەرەكەسى تويلانىپ جاتقان ۋاقىتتا وتكىزۋ جوسپارلانعان.

«جالپى، مۇندا 16 بوكسشىنىڭ قاتىسۋىمەن 8 ايقاس وتەدى. كەشتىڭ باستى تيتۋلدى كەزدەسۋلەرى - جەڭىلىپ كورمەگەن ايدوس ەربوسىن ۇلى مەن نۇرسۇلتان جاڭابايەۆتىڭ قاتىسۋىمەن وتەتىن جەكپە- جەكتەر بولماق. ايدوس ەربوسىن ۇلى (10-0-8 ك و) ەكىنشى ورتا سالماقتا وڭتۇستىك افريكالىق لۋكاس ندافولۋممەن (15-1-6 ك و) قولعاپ تۇيىستىرەدى. اتالمىش كەزدەسۋدە WBA INTERNATIONAL چەمپيوندىق بەلبەۋى تىگىلىپ، WBC ASIA جانە WBO GLOBAL بەلبەۋى قورعالماق. لۋكاس ندافولۋمانىڭ لاقاپ اتى «كۇيرەتۋشى». ال نۇرسۇلتان جاڭابايەۆ (6-0- 4 ك و) WBA INTERCONTINENTAL تيتۋلى ءۇشىن ۆەنەسۋەلا ەلىنىڭ بوكسشىسى يۆان ماتۋتەمەن (28-1-23 ك و) شىعادى. 25 جاستاعى ۆەنەسۋەلالىق يۆان ماتۋتە (لاقاپ اتى «ەل دەمولەدور») 28 ايقاس وتكىزىپ، 23 ىن نوكاۋتپەن اياقتاعان»، - دەلىنگەن حابارلامادا.

«Eye of the Tiger Management» پروموۋتەرلىك كومپانياسىنىڭ بوكسشىسى سادريددين احمەدوۆ (7-0، 7 ك و) WBC Asia تيتۋلى ءۇشىن شارشى الاڭعا شىعادى. ونىڭ قارسىلاسىنىڭ كىم بولاتىنى ءالى بەلگىسىز.

باستى ايقاستاردىڭ اندەركارتىندا داستان ءسادۋ ۇلى، (1-0، 1 ك و) ەسكەندىر حارسان، اسحات جانتۇرسىنوۆ، دياس تاستەمىروۆ (3-0, 3 ك و) شىعادى.