«باقىتتى وتباسى» باعدارلاماسىنىڭ رەسمي سايتىندا بيۋجەتتىك يپوتەكانى الۋدىڭ بارلىق شارتتارى، تاپسىرىلاتىن قۇجاتتاردىڭ ءتىزىمى مەن ءوتىنىم بەرۋ جولدارى كورسەتىلگەن.
باعدارلاماعا كوممۋنالدىق قوردان باسپاناعا مۇقتاج كوپبالالى وتباسىلار قاتىسا الادى.
نەگىزگى شارتتارى:
- «تۇرعىن ءۇي قۇرىلىس جيناق بانكى» ا ق- نىڭ قارىزى 15 ميلليون تەڭگەگە دەيىن؛
- العاشقى جارنا - ءۇي قۇنىنىڭ %10؛
- نەسيەنىڭ پروتسەنتتىك ستاۆكاسى - جىلىنا %2؛
- باسپانا جاڭا سالىنعان بولۋى ءتيىس؛
- ءوتىنىشتى پورتال ارقىلى بەرۋگە بولادى. ول ءۇشىن ادامدا ەلەكتروندىق سيفرلى قولتاڭبا بولۋى شارت.
- باسپانانى قاتىسۋشىلار وزدەرى تاڭداي الادى.
مۇنىڭ الدىندا الماتى قالالىق تۇرعىن ءۇي ساياساتى باسقارماسىنىڭ ءبولىم باسشىسى ەرمەك ءامىروۆ كوپبالالى وتباسىلار الماتىنىڭ قاي اۋدانىنان باسپانا الاتىنىن ايتقان بولاتىن.
باعدارلامانى جۇزەگە اسىرۋعا جەرگىلىكتى بيۋجەتتەن 1 ميلليارد تەڭگە جۇمسالادى.