سالدارىنان ۋلى زاتپەن كۇرەسۋ جەرگىلىكتى ءتارتىپ ساقشىلارىنا وڭايعا تۇسپەي جاتىر. برۋكلين - نيۋ- يورك قالاسىنىڭ قاۋىپتى ايماقتارىنىڭ ءبىرى. مۇندا قىلمىستىق وقيعالار ءجيى بولادى. ءبىزدىڭ وتانداسىمىز، بەلگىلى بوكسشى ءارى پوليتسيا قىزمەتكەرى ديماش نيازوۆ الىپ شاھاردىڭ ءدال وسى اۋدانىندا جۇمىس ىستەيدى. ەكى جىل بۇرىن ول ەسىرتكى بيزنەسىنىڭ باسشىسىن ۇستاعان. بۇل ەرلىگى ءۇشىن جەرلەسىمىز نيۋ- يوركتىڭ ۇزدىك پوليتسەيى اتاندى.
ديماش نيازوۆ، نيۋ- يورك پوليتسەيى:
- ءبىز قازىر ءوز اۋدانىمىزداعى قىلمىستى 90 پايىزعا دەيىن قىسقارتتىق. مەنىڭ ۋچاسكەم بۇل كورسەتكىش بويىنشا ءبارىنىڭ الدىندا. وتكەن اپتادا ارىپتەسىممەن بىرگە تاپانشالارى بار ەكى ادامدى ۇستادىق. مۇنداي وقيعالار ءجيى بولىپ تۇرادى.
زاڭداستىرىلعان ەسىرتكى ساۋداسى پوليتسەيلەردىڭ جۇمىسىن قيىنداتتى. ەندى ماريحۋانا شەككەنى ءۇشىن مۇنداعى ازاماتتار جاۋاپكەرشىلىككە تارتىلمايدى. 2018 -جىلدىڭ ءبىرىنشى قاڭتارىنان باستاپ كاليفورنيادا كەندىر ءشوپتى ەمدىك ماقساتتا قولدانىپ، ءلاززات الۋدى زاڭداستىرۋ تۋرالى زاڭ شىقتى. ءتىپتى ەل استاناسى ۆاشينگتوننىڭ وزىندە جاسى 21-دەن اسقان ادامدار سالماعى 28 گرامعا دەيىن ناشانى وزىمەن بىرگە الىپ جۇرۋگە جانە شاعىن كولەمدە كاننابيستى ۇيدە وسىرۋگە رۇقسات ەتىلگەن.
ديماش نيازوۆ، نيۋ- يورك پوليتسەيى:
- كوكەيىمىزدى مازالاپ جۇرگەن باستى پروبلەما ماريحۋانا ەمەس. ءبىزدى الاڭداتىپ جۇرگەن - ك-2 حيميالىق زاتى. نيۋ- يوركتە ونى قولدانۋ كورسەتكىشى بىلتىر 80 پروتسەنتكە ارتتى. ونىڭ قاۋىپى جوعارى. بۇل ەسىرتكىدەن ادام باقيلىق بولادى. سوندىقتان ءبىز ارنايى مەديتسينالىق سىنىپتاردا وسى ناشادان ادامداردى امان الىپ قالۋ ساباقتارىن وتكىزىپ ءجۇرمىز.
بۇگىندە ماريحۋانا شەگۋ لوس- اندجەلەس، سان- فرانسيسكو، لاس ۆەگاس قالالارىندا دا رۇقسات ەتىلگەن. «بۇل زاڭداستىرۋ ەسىرتكىنىڭ باسقا تۇرلەرىنىڭ پايدا بولۋىنا اكەلدى»، - دەيدى جەرگىلىكتى پوليتسەيلەر.
اۆتورلارى: مايرا ابدراحمانوۆا، رەنات سادىروۆ