ديماشتىڭ امەريكالىق شوۋداعى مالىمدەمەسى تورەشىلەردى ەسەڭگىرەتىپ قويدى

 وندا شوۋ جۇرگىزۋشىسى دجەيمس كوردەن ديماشقا: «ماعان بىردەڭە ايتقىڭ كەلەتىنىن ەستىدىم»، - دەيدى.

 ديماشتىڭ قانداي جاۋاپ بەرگەنى ازىرگە بەيمالىم. الايدا جەلى قولدانۋشىلارى قۇدايبەرگەنوۆ جوبادا بالالارعا باسەكەلەس بولۋدان باس تارتقان بولۋى مۇمكىن دەپ بولجاۋدا.

 تورەشىلەردىڭ ءبىرى رۋ پول: «قانداي قادامعا بارعانىڭدى بىلەسىڭ»، - دەپ قانا پىكىر ءبىلدىردى.

ايتا كەتەيىك، The World's Best شوۋىنىڭ فينالدىق كەزەڭى 13- ناۋرىز كۇنى وتەدى. قازاقستاندىق فاناتتار جوبانى استانا ۋاقىتىمەن 14 - ناۋرىز كۇنى تاڭەرتەڭ تاماشالاي الادى.