ا ق ش- تاعى قازاق قىزدارى «گۇلدەر» بي توبىن قۇردى
حالىق بيلەرىن ورىنداۋ ارقىلى ولار تۋعان جەرىنە دەگەن سۇيىسپەنشىلىگىن ءبىلدىرىپ ءجۇر. بۇگىندە بۇل ۇجىم ا ق ش- تىڭ ءتۇرلى ساحنالارىندا ءوز ونەرلەرىن كورسەتىپ، كورەرمەندەردىڭ قوشەمەتىنە يە بولۋدا.
وسىدان ەكى جىل بۇرىن «گۇلدەر» توبى دۇنيەجۇزىلىك بانكتىڭ شتاب- پاتەرىندە وتكەن «ەۋرازيا كۇندەرى» فەستيۆالىندە العاشقى «اققۋ» ءبيىن كورسەتكەن ەدى. ونەرپازدار كورەرمەندەردىڭ جۇرەگىن بىردەن باۋراپ، جيىلعان جۇرت ولارمەن بىرگە سۋرەتكە ءتۇسۋ ءۇشىن ۇزىن كەزەككە تۇرعان.
ءمادينا توقتار، «گۇلدەر» توبىنىڭ ءبيشىسى:
- ءبىز «گۇلدەر» بي توبىمىز. قازاقستاندى قاتتى ساعىندىق، ەلىمىزدى ويىمىزدان ءبىر ساتكە شىعارمايمىز. «گۇلدەر» توبى ءوز بيلەرىمەن قازاق حالقىنىڭ رۋھاني بايلىعى، كەڭ- بايتاق دالامىز بەن تابيعاتىمىزدىڭ اسەمدىگىن جۇرتقا كوركەم جەتكىزە الدى. ۇلى كومپوزيتورلارىمىز نۇرعيسا تىلەنديەۆ پەن ءشامشى قالداياقوۆتىڭ انىنە ورىندالعان بيلەر دە كورەرمەننىڭ ەرەكشە ىقىلاسىنا بولەندى.
ءانسامبلدى قۇرعان زارينا، اينۇر، ءمادينا جانە روزلانا ەسىمدى قىزدارىمىز امەريكادا وتەتىن حالىقارالىق فەستيۆالدار مەن كونسەرتتەرگە ءجيى قاتىسادى. ولاردىڭ كيگەن ۇلتتىق كيىمدەرى كوزدىڭ جاۋىن الادى. ۇلتتىق ناقىشتاعى اشەكەيلەردى ولار ارنايى قازاقستاننان الدىرادى.
روزلانا التىنبەكوۆا، «گۇلدەر» توبىنىڭ ءبيشىسى:
- ۇلتتىق بانكتە ءار جىل سايىن فەستيۆال وتەدى. فەستيۆالدا ءبىز ونەرىمىزدى كورسەتەمىز. ءبىزدىڭ قازاق حالقىمىزدىڭ ءداستۇرلى مادەنيەتىن وسى جەردە كورسەتۋ - ءبىز ءۇشىن ۇلكەن قۋانىش.
قازىر قىزدار ايگىلى قازاق كۇيى «اتا تولعاۋى» ىرعاعىنا جاڭا بي دايىنداۋ ۇستىندە. ا ق ش- تا قۇرىلعان «بالاۋسا» بالالار حورىمەن بىرگە ناۋرىز مەيرامىنا ارنالعان سالتاناتتى شارادا ءوز ونەرلەرىن پاش ەتپەكشى.
www.24.kz