قىتايدان ميگرانتتاردىڭ زاڭسىز ارناسىن تاراز قالالىق كوشى- قون پوليتسياسى ءبولىمىنىڭ قىزمەتكەرلەرى ۇيىمداستىرعان. اتاپ ايتقاندا، ولار - ءبولىمنىڭ بۇرىنعى باسشىسى ا. زەيداليەۆ جانە ونىڭ ورىنباسارى ب. ناۋرىزبايەۆ. سونداي- اق ق ح ر تۋماسى ۋ. سيلامبەك «دەلدال» رەتىندە سىبايلاس بولعان.
«كورسەتىلگەن ادامدار توبى جالعان قۇجاتتاردى قولدانا وتىرىپ، ق ح ر- دىڭ 170 تەن استام ازاماتىن جامبىل وبلىسىنا تىركەگەن. وسىلايشا، ولارعا قازاقستاندا كەدەرگىسىز تۇرۋعا قۇقىق بەرەتىن قۇجاتتار بەرگەن» ، - دەلىنگەن حابارلامادا.
2019 -جىلعى 5 - ناۋرىزدا تارازدىڭ № 2 قالالىق سوتىندا قىلمىستىق ءىس بويىنشا ۇكىم جاريالاندى.
ا. زەيداليەۆ ق ر ق ك- ءنىڭ 361-بابى 4.4 3-ت. («اۋىر سالدارلارعا اكەپ سوققان لاۋازىمدىق ۋاكىلەتتىلىكتى تەرىس پايدالانۋ» ) ، 394-بابى 4.2 («ادامدار توبىنىڭ الدىن الا ءسوز بايلاسىپ زاڭسىز كوشى- قون ۇيىمداستىرۋى» ) بويىنشا كىنالى دەپ تانىلدى. ول 4 جىل 6 ايعا باس بوستاندىعىنان ايىرىلدى. جازاسىن ورتاشا قاۋىپسىزدىكتەگى تۇزەۋ مەكەمەسىندە وتەيدى.
ب. ناۋرىزبايەۆ ق ر ق ك- ءنىڭ 361-بابى 4-بولىگى 3-تارماعى، 394-بابى 2-بولىگى بويىنشا كىنالى دەپ تانىلدى. ونى 3 جىل 6 ايعا باس بوستاندىعىنان ايىرۋعا ۇكىم ەتىلدى. جازاسىن ورتاشا قاۋىپسىزدىكتەگى تۇزەۋ مەكەمەسىندە وتەيدى.
ۋ. سيلامبەك ق ر ق ك 394-بابى 2-بولىگى بويىنشا كىنالى دەپ تانىلىپ، 4 جىلعا ورتاشا قاۋىپسىزدىكتەگى تۇزەۋ مەكمەسىندە جازاسىن وتەۋمەن باس بوستاندىعىنان ايىرىلدى.
سوتتالعان ب. ناۋرىزبايەۆ پەن ۋ. سيلامبەك ۇكىم جاريالانعاننان كەيىن سوت زالىندا قاماۋعا الىندى. ا. زەيدالييەۆكە قاتىستى «قاماۋعا الۋ» تۇرىندەگى بۇلتارتپاۋ شاراسى بۇعان دەيىن قولدانىلعان بولاتىن.
قازىرگى ۋاقىتتا ق ح ر ازاماتتارىنا بەرىلگەن ق ر اۋماعىندا تۇرۋعا قاتىستى قۇجاتتاردىڭ كۇشىن جويۋ ماسەلەسى شەشىلۋدە.