مي جۇمىسىنا اسەر ەتەتىن فاكتورلار

 استانا. قازاقپارات -«دەنى ساۋ ادام - تابيعاتتىڭ ەڭ قىمبات جەمىسى» ەكەنىن ەستەن شىعارمايىق. تومەندە مي جۇمىسىنا قاتىستى ايتىلعان كەڭەستەرگە نازار سالىڭىزدار.

1. ۇيقىسىزدىق

سوڭعى 100 جىلدا ادامداردىڭ ۇيقىسى عا كەمىگەن ەكەن. ۇيقىسىزدىققا ۇشىراعان جاندار وزدەرىن وتە ءالسىز سەزىنەدى. ۇيقىنىڭ ميعا قاتتى اسەر ەتەتىنىن ۇمىتپاعانىمىز ءجون.

2. تاڭعى استان باس تارتۋ

دانا حالقىمىزدىڭ «تاڭعى استى تاستاما» دەپ ايتۋى بەكەردەن بەكەر ەمەس. ويتكەنى ادامنىڭ كۇندىزگى كوڭىل-كۇيى، جۇمىسقا دەگەن ىنتاسى تىكەلەي تاڭعى اسقا بايلانىستى. تاڭەرتەڭگى تاماقتان باس تارتساڭىز، قانىڭىزداعى قانت مولشەرى دە تومەندەيدى. ال ول ميعا كەرى اسەرىن تيگىزۋى ابدەن مۇمكىن.

3. تەمەكى شەگۋ

شىلىم شەگەتىن ادامداردىڭ ەڭ الدىمەن ءتىسى سارعايىپ، وكپەسى قابىنادى. وعان قوسا تەمەكىنىڭ قۇرامىنداعى نيكوتين ميعا زيانىن تيگىزىپ، السگەيمەر اۋرۋىنا شالدىقتىرادى.

4. سۋ

سۋدىڭ جەتىسپەۋى دە ميعا قاتتى اسەر ەتەدى. بىرىنشىدەن، ەستە ساقتاۋ قابىلەتىڭىز ناشارلايدى، ەكىنشىدەن، ەشتەڭەگە زاۋقىڭىز سوقپايدى. سول سەبەپتى، دارىگەر ماماندار كۇنىنە 2 ليتردەن ارتىق سۋ ءىشۋدى ۇسىنادى.

5. ارتىق اقپارات

بىزگە قابىلداعان اقپاراتتىڭ ءبارىن وي ەلەگىنەن وتكىزىپ، ساراپتاۋدىڭ قاجەتى جوق. ويتكەنى، ونىڭ ىشىندە بىزگە پايداسىزدارى دا بار.