بۇل تۋرالى سىبايلاس جەمقورلىققا قارسى كۇرەس ۇلتتىق بيۋروسى مەن پروكۋراتۋرا وكىلدەرىنىڭ كەزدەسۋىندە ايتىلدى.
بۇگىندە الماتىدا 134 مەديتسينالىق مەكەمە جۇمىس جاساپ تۇر. ونىڭ 77- ءسى - مەملەكەتتىك ۇيىمدار. ازاماتتار مەديتسينالىق كومەكتىڭ دەر كەزىندە ساپالى كورسەتىلۋىمەن قاتار، دارىمەن قامتۋعا قاتىستى ءجيى شاعىمدانادى.
وسى ولقىلىقتىڭ ورنىن تولتىرۋ ماقساتىندا مەملەكەتتىك ساتىپ الۋ جانە دارىمەن قامتۋ جۇيەسىنىڭ اشىقتىعىن قامتاماسىز ەتۋ قولعا الىندى. بۇل باعىتتا ارنايى جوبا ىسكە اسىرىلىپ جاتىر. بولاشاقتا بيۋدجەت ەسەبىنەن الىنعان دارىلەردى روبوت تاراتادى. مۇنداي تەحنيكالار الماتى ونكولوگيالىق ورتالىعىندا، بالالار اۋرۋحاناسىندا، قالالىق ريەۆماتولوگيالىق ورتالىقتا ورنالاستىرىلادى.
«ءدارىحانا روبوتتارى ورفاندى مەديتسينالىق پرەپاراتتاردى جىبەرەتىن بولادى. دارىلەردى بەرمەس بۇرىن روبوت پاتسيەنتتىڭ ءتۇر- تۇلعاسىن اجىراتادى. پاتسيەنت تۋرالى بارلىق ماعلۇمات قورىتىلادى. جەكە ەلەكتروندى كارتا اشىلادى. تەك دارىگەر جازىپ بەرگەن ءدارى بەرىلەدى. سونىمەن قاتار، قر دسم اقپاراتتىق جۇيەلەرىمەن ينتەگراتسيا جاسالادى. وسىنداي تەحنيكانى ساتىپ الۋ بويىنشا ەكىجاقتى مەموراندۋمعا قول قويىلدى» ، - دەدى قالالىق قوعام دەنساۋلىعى باسقارماسىنىڭ باسشىسى قانات توسەكبايەۆ.
قالادا دارىمەن قامتۋ بويىنشا باقىلاۋدى جۇرگىزۋ باعىتىندا تۇراقتى جۇمىس توبى قۇرىلعان. سونىمەن قاتار، دەنساۋلىق ساقتاۋ سالاسىن قاداعالايتىن تاۋەلسىز باقىلاۋ كەڭەسى بار.