استانادا قازاقستان- مىسىر بيزنەس- فورۋمى وتەدى
بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ استانا وتكەن اپتالىق بريفينگتە مالىمدەدى.
اتالعان شارا 1992 -جىلى 6 - ناۋرىزدا باستاۋ العان قازاقستان مەن مىسىر اراسىنداعى ديپلوماتيالىق قاتىناستاردىڭ ورناعانىنا 27 جىلدىق مەرەيتويىنا سايكەس كەلەدى. وعان ساۋدا، قۇرىلىس، اگروونەركاسىپتىك كەشەن جانە باسقا دا سالالاردا قىزمەت كورسەتەتىن 20 دان استام مىسىر كومپانيالاردىڭ باسشىلارى قاتىسادى.
«مىسىر دەلەگاتسياسىن ساۋدا جانە ونەركاسىپ ءمينيسترىنىڭ ءبىرىنشى ورىنباسارى تاحا بورايە باسقارادى. فورۋمدا ساۋدا- ەكونوميكالىق جانە ينۆەستيتسيالىق ىنتىماقتاستىق ماسەلەلەرى تالقىلانادى. ءىس- شارانىڭ نەگىزگى ماقساتى - ەكى ەلدىڭ كاسىپكەرلەرى اراسىندا ەكونوميكانىڭ ءتۇرلى سالالارىندا تىكەلەي بايلانىستاردى ورناتۋ، بىرلەسكەن كاسىپورىنداردى قۇرۋ، سونداي- اق بىرلەسكەن پەرسپەكتيۆالىق جوبالارعا ينۆەستيتسيا تارتۋ» ، - دەدى ق ر س ءى م رەسمي وكىلى.
2018 -جىلى مىسىرمەن ەكىجاقتى ساۋدا كولەمى 84 ميلليون ا ق ش دوللارىن قۇرادى، ونىڭ ىشىندە قازاقستاننان ەكسپورت 16,6 ميلليون دوللارعا، ال مىسىردان يمپورت 67,2 ميلليون دوللارعا جەتكەن.