جوتەلگە قارسى ءدارىنى دارىگەردىڭ رۇقساتىنسىز ىشپەگەن ءجون
ناۋقاستار ۆيرۋستىڭ نە باكتەريانىڭ كەسىرىنەن السىزدەنگەن اعزانى دۇرىس تاڭدالماعان ءدارى ءىشۋ ارقىلى ودان ءارى ۋشىقتىرىپ الادى. سودان كەيىن عانا دارىگەردىڭ كومەگىنە جۇگىنەدى.
1. كەيدە اعزاعا جوتەل دە قاجەت جوتەل - اعزانىڭ قورعانىشى، رەفلەكس. تۇماۋ كەزىندە ول تىنىس الۋ جولدارىن تازارتادى، سوندىقتان جوتەلدى جاساندى تۇردە باسۋعا بولمايدى. مۇنداي كەزدە ءدارىسىز جولداردى قولدانۋ كەرەك: بولمەنى جەلدەتۋ، كوبىرەك جىلى سۋ نەمەسە شاي ءىشۋ، تاماقتى شايۋ. سول كەزدە اعزا ۆيرۋسپەن كۇرەسىپ، جوتەل كەتە باستايدى. ءتىپتى، تۇماۋدىڭ باسقا بارلىق بەلگىلەرى كەتسە دە، جەڭىل جوتەل 3 اپتاعا دەيىن قالۋى مۇمكىن. بۇل قالىپتى جاعداي.
2. جوتەل ءتۇرىن اۋىستىرىپ الۋىڭىز مۇمكىن جوتەلدىڭ قۇرعاق ءارى ىلعال بولاتىنىن بىلەمىز. ءبىراق ءبىرىن ەكىنشىسىنەن ايىرا الماي، شاتاسىپ كەتۋگە بولادى. ال ءدارى جوتەلدىڭ تۇرىنە قاراي تاڭدالادى. جوتەلدىڭ ءتۇرىن دۇرىس انىقتاي الماي، شاتاسىپ العان ءدارى جوتەلدى ەمدەمەيدى جانە اعزاعا ءوز زيانىن تيگىزەدى.
3. كەي دارىلەر ءتيىمسىز قاقىرىق شىعارۋعا ارنالعان جانە جوتەلگە قارسى دارىلەردىڭ ءبارى بىردەي جوتەلدى كەتىرۋگە كومەكتەسە بەرمەيدى. جوتەل كەزىندە دارىگەرگە بارۋ كەرەك پە؟ ەگەر جوتەل تۇماۋ سەبەبىنەن بولسا، دارىگەرگە بارۋدىڭ قاجەتى جوق. ءبىراق تۇماۋدى ەمدەۋ كەرەك. تۇماۋ سەبەبىنەن بولعان جوتەل كەزىندە مۇرىن بىتەلۋى، باس اۋىرۋى جانە تەمپەراتۋرا كوتەرىلۋى مۇمكىن. كەيدە جوتەل ماڭىزدى سەبەپتەردەن پايدا بولادى.
ەگەر جوتەل مىناداي بەلگىلەرمەن قاتار بولسا، دارىگەرگە مىندەتتى تۇردە قارالىڭىز: - جوعارى تەمپەراتۋرا، قاتتى باس اۋىرۋ، السىزدىك، بورتپە، كەۋدەنىڭ اۋىرۋى؛ - 3 اپتادان كوپ جوتەلۋ؛ - جوتەلدىڭ ۋاقىت وتە ۇياعايۋى؛ - تاماقتىڭ قاتتى اۋىرىپ، ءىسىپ كەتۋى؛ - قيىن تىنىس الۋ؛ - قوڭىر نە جاسىل قاقىرىقتىڭ شىعۋى؛ - كۇتپەگەن جەردەن سالماق تاستاۋ؛ - بۇرىننان يممۋندى جۇيەنى السىرەتەتىن سوزىلمالى اۋرۋدىڭ بولۋى (ديابەت، ىسىك جانە ت. ب).
Massaget.kz