ەكس- پرەزيدەنت باكيەۆتىڭ ەلدەن شىعارىلعان قارجىسى قىرعىزستانعا قايتارىلدى
12:52, 28 - اقپان 2019
استانا. قازاقپارات - ا ق ش ادىلەت مينيسترلىگى قىرعىزستاننىڭ بۇرىنعى پرەزيدەنتى قۇرمانبەك باكيەۆ پەن ونىڭ ۇلى ماكسيم باكيەۆ ەكەۋىنىڭ ەلدەن شىعارعان 4,5 ميلليون دوللار قارجىنى قىرعىزستانعا قايتارعانىن مالىمدەدى.
27 - اقپاندا ازاتتىقتىڭ قىرعىز قىزمەتىنىڭ حابارلاۋىنشا، اقشا قىرعىزستاننىڭ قارجى مينيسترلىگىنە اۋدارىلعان.
اقپاراتقا قاراعاندا، بارلىعى التى ميلليون دوللاردىڭ ءىزى باكيەۆ وتباسىنىڭ جەكە بانكيرى ەۆگەني گۋريەۆيچكە قارسى قوزعالعان ءىستى تەرگەۋ كەزىندە انىقتالعان.
ا ق ش- تىڭ ادىلەت مينيسترلىگىنىڭ حابارلاماسىندا قىرعىز ۇكىمەتى بۇل قارجىنى ايماقتارداعى اۋرۋحانالارعا مەديتسينالىق قۇرال- جابدىق ساتىپ الۋعا، تۇرعىنداردى تازا سۋمەن قامتۋ جوبالارى مەن جەمقورلىققا قارسى باعدارلامالارعا جۇمسايتىنى ايتىلعان.
25 - اقپاندا بىشكەكتە قۇرمانبەك باكييەۆ بيلىگى تۇسىندا قولدى بولعان اكتيۆتەردى كەرى قايتارۋ تۋرالى كەلىسىمگە ا ق ش پەن قىرعىزستان وكىلدەرى قول قويدى. اقپاراتقا قاراعاندا قازىر قالعان قارجىنى دا قايتارۋ جۇمىستارى ءجۇرىپ جاتىر.
www.azattyq.org