سەسسيا كەزىندە وڭىرلەردەن كەلگەن دەلەگاتتار باسپانا ماسەلەسىن كوتەردى. اتاپ ايتقاندا، پاتەر كەزەگىندە تۇرعان ازاماتتاردى باسپانامەن قامتاماسىز ەتۋگە قاتىستى سۇراقتار قويىلدى. ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى قايىربەك وسكەنبايەۆتىڭ ايتۋىنشا، ەرتەڭگى سيەزدە باسپانا ماسەلەسىن شەشۋگە قاتىستى ءبىرقاتار جاڭالىقتار ايتىلادى.
«ەرتەڭ سيەزدە دە وسى ماسەلە كوتەرىلەدى. سول كەزدە جاقسى حابار ەستيسىزدەر. قانشا قاراجات ءبولىنىپ، قانشا ادامنىڭ باسپانا ماسەلەسى شەشىلەتىنى ايتىلادى»، - دەدى ق. وسكەنبايەۆ مەملەكەتتىك قىزمەتتىڭ جاڭا فورماتىن قالىپتاستىرۋعا ارنالعان پانەلدىك سەسسيادا.
قازاقپارات ءتىلشىسى ۆيتسە- مينيستردەن جاعىمدى جاڭالىققا قاتىستى اقپاراتپەن ءبولىسۋدى سۇرادى. الايدا ق. وسكەنبايەۆ: «پرەزيدەنتتىڭ ءوزى ايتادى»، - دەپ قىسقا عانا قايىردى.
ايتا كەتەيىك، ق ر يندۋستريا جانە ينفراقۇرىلىمدىق دامۋ مينيسترلىگى بارلىق قازاقستاندىقتاردى باسپانامەن قامتۋعا قاجەتتى قاراجاتتىڭ سوماسىن جاريالادى.
«487 مىڭ ادامنىڭ ماسەلەسى ءبىرجولا شەشۋگە، ءدال قازىر 4 تريلليون 887 ميلليارد تەڭگە كەرەك بولىپ تۇر. ونىڭ ينفراقۇرىلىمى 20 پايىز. سوندا كەزەكتى تۇرعان ازاماتتاردىڭ باسپانا ماسەلەسىن بىردەن شەشۋ ءۇشىن رەسپۋبليكالىق نەمەسە جەرگىلىكتى بيۋدجەتتەن 6 تريلليون تەڭگەدەي اقشانى قازىر قولما- قول جۇمساۋ قاجەت»، - دەيدى ق. وسكەنبايەۆ.
اۆتور: ارمان اسقاروۆ