ۆيتسە-مينيستر قايىربەك وسكەنبايەۆتىڭ ايتۋىنشا، بۇگىندە رەسپۋبليكا بويىنشا 487 مىڭ ادام پاتەر كەزەگىندە تۇر. ال ولاردىڭ بارلىعىن باسپانامەن قامتاماسىز ەتۋ ءۇشىن ءبىراز قاراجات قاجەت.
«487 مىڭ ادامنىڭ ماسەلەسى ءبىرجولا شەشەيىك دەسەك، ول ءۇشىن ەڭ قۇرىعاندا ءبىر تۇرعىن ءۇيدى 110 ميلليون تەڭگەدەن ساناساق، ءدال قازىر 4 تريلليون 887 ميلليارد تەڭگە كەرەك بولىپ تۇر. ونىڭ ۇستىنە ينفراقۇرىلىمىن 20 پايىزدان سالايىق. سوندا كەزەكتە تۇرعان ازاماتتاردىڭ باسپانا ماسەلەسىن بىردەن شەشۋ ءۇشىن رەسپۋبليكالىق نەمەسە جەرگىلىكتى بيۋدجەتتەن 6 تريلليون تەڭگەدەي اقشانى قازىر قولما-قول جۇمساۋ قاجەت. ماسەلە وسىندا. بىزگە ءدال قازىر 6 تريلليون تەڭگەنى بەرسە، قازىر-اق باسپانا ماسەلەسىن شەشۋگە دايىنبىز»، - دەدى ق. وسكەنبايەۆ مەملەكەتتىك قىزمەتتىڭ جاڭا فورماتىن قالىپتاستىرۋعا ارنالعان پانەلدىك سەسسيادا.
ايتا كەتەيىك، استانادا «نۇر وتان» پارتياسىنىڭ كەزەكتى سەزى قارساڭىندا سان الۋان تاقىرىپتارعا ارنالعان پانەلدىك سەسسيالار ءوتىپ جاتىر.
ماسەلەن، ق ر پرەزيدەنتى جانىنداعى مەملەكەتتىك باسقارۋ اكادەمياسىندا مەملەكەتتىك اپپاراتتىڭ جاڭا فورماتىن قالىپتاستىرۋ جانە مەملەكەتتىك قىزمەتتەردى اۆتوماتيزاتسيالاۋ ماسەلەلەرى تالقىلاندى. بۇل - پارتيانىڭ 2030-جىلعا دەيىنگى جاڭا باعدارلاماسىنىڭ ءبىر باعىتى. اتالعان قۇجات ەرتەڭ، 27- اقپاندا مەملەكەت باسشىسىنىڭ توراعالىعىمەن وتەتىن «نۇر وتان» پانتياسىنىڭ XVIII سەزىندە تانىستىرىلادى.