قايرات نۇرتاس پەن ايدانا مەدەنوۆا ءمينيستردىڭ انىنە بەينەبايان ءتۇسىردى - كەسكىن
15:35, 25 - اقپان 2019
استانا. قازاقپارات - قايرات نۇرتاس پەن ايدانا مەدەنوۆا بىرىگىپ بەينەبايان ءتۇسىردى. جۇلدىزدى دۋەت كليپتى ەلىمىزدىڭ مادەنيەت جانە سپورت ءمينيسترى ارىستانبەك مۇحامەدي ۇلىنىڭ انىنە تاسپالاعان.
بۇل قۋانىشتى حاباردى ارىستانبەك مۇحامەدي ۇلى Facebook تەگى پاراقشاسىندا جەتكىزدى.
«دوستارىم، سىزدەرمەن «باقىتتى جاندارمىز» كومپوزيتسياسىنا تۇسىرىلگەن بەينەبايانمەن بولىسكىم كەلىپ وتىر، ونىڭ اۆتورى ءوزىم، ءسوزىن جازعان اسقار دۇيسەنبى.
شىعارمانى تانىستىرۋدى قاجەت ەتپەيتىن جاس، دارىندى، تانىمال انشىلەر قايرات نۇرتاس پەن ايدانا مەدەنوۆا ورىندايدى. «باقىتتى جاندارمىز» سىزدەرگە ۇنايدى دەگەن ۇمىتتەمىز. جانعا جاعىمدى بولسىن!» - دەپ جازدى ول.