بۇل تۋرالى ق ر پارلامەنتى ءماجىلىسىنىڭ جالپى وتىرىسىنان كەيىن دەپۋتات الەكساندر سۋسلوۆ ايتتى، دەپ حابارلايدى قازاقپارات ءتىلشىسى.
«جالپى، پارلامەنت ءماجىلىسى ونى وتە جاقسى بىلەدى. مامين مىرزا بۇل لاۋازىمدا جۇمىس ىستەي الادى دەپ ويلايمىن. وعان كوپ ماسەلە بايلانىستى بولادى. سەبەبى پرەزيدەنت حالقىمىز جاقسى ءومىر ءسۇرۋى ءۇشىن الەۋمەتتىك ساياسات باعىتىندا مىندەتتەر جۇكتەپ وتىر. ونىڭ كانديداتۋراسىنا 106 دەپۋتات ءبىراۋىزدان قولداپ داۋىس بەردى»، - دەدى ا. سۋسلوۆ.
سونىمەن قاتار ول ءماجىلىس كوميتەتتەرى بەيىندى مينيسترلەردىڭ كانديداتۋرالارىن قاراستىراتىندىعىن اتاپ ءوتتى.
«مەنىڭشە، 9 مينيستر. ازىرشە وعان قاتىستى پىكىر بىلدىرە المايمىن»، - دەدى ول.
ەسكە سالا كەتسەك، بۇگىن ق ر پرەزيدەنتى پارلامەنت ءماجىلىسىنىڭ پلەنارلىق وتىرىسىنا قاتىستى. ەلباسى پارلامەنت قاراۋىنا پرەمەر-مينيستر لاۋازىمىنا اسقار ماميننىڭ كانديداتۋراسىن ۇسىنعان ەدى. ال، دەپۋتاتتار اسقار ماميننىڭ كانديداتۋراسىن قولدادى. كەيىن مەملەكەت باسشىسى اسقار ماميندى ق ر پرەمەر-ءمينيسترى لاۋازىمىنا تاعايىنداۋ تۋرالى جارلىققا قول قويدى.