استانادا قانداي ماماندىقتار سۇرانىسقا يە؟

استانا. قازاقپارات - استانادا ءتورت مىڭنان استام بوس جۇمىس ورنى بار، دەپ حابارلايدى ەلوردا ينفو. 

حالىقتى جۇمىسپەن قامتۋ ورتالىعىنىڭ اقپاراتىنا سايكەس، استانادا تاربيەشىلەر، ناۋبايشى، اسپازشى، تىگىنشى، شاشتاراز، ەلەكتر جانە گاز دانەكەرلەۋشى، ساۋدا مەنەدجەرى، كاسسير جانە داياشى ماماندىقتارى سۇرانىسقا يە.

 بۇگىندە استانا قالاسى اكىمدىگىنىڭ حالىقتى جۇمىسپەن قامتۋ ورتالىعى تەك سۇرانىسقا يە ماماندىقتار بويىنشا قىسقا مەرزىمدى قايتا وقىتۋ كۋرستارىن جۇرگىزۋدە. وندا جاس ەرەكشەلىگىنە قاراماي مامان يەسى بولام، كاسىبىمدى وزگەرتەم، بىلىكتىلىك جيناقتايمىن دەگەن كەز كەلگەن ازامات ءبىلىم الا الادى.

«جۇمىسسىز ازاماتتارعا قىسقا مەرزىمدى ماماندىققا وقىتۋ كۋرستارىن ۇسىنامىز. مۇنداي وقىتۋ ءتۇرى ديپلومى مەن بىلىكتىلىگى جوق نەمەسە ءوز ماماندىعىن وزگەرتكىسى كەلەتىن ازاماتتارعا ارنالعان. تاڭدالعان ماماندىققا وراي وقۋ ۇزاقتىعى 1-ايدان 6-ايعا دەيىن سوزىلادى» - دەيدى جۇمىسپەن قامتۋ ورتالىعىنىڭ كاسىپتىك وقىتۋ ءبولىمىنىڭ باسشىسى ازامات بايتاسوۆ.

ايتا كەتەيىك، وتكەن جىلى استانا قالاسى بويىنشا 700-گە جۋىق ازامات قايتا وقىتۋ كۋرسىن ءتامامداپ، ونىڭ 70 پايىزى جۇمىسقا تۇرعان.

www.24.kz