ەلدىڭ سولتۇستىگىنەن تۇرعىندار از كوشە باستادى
س ق و ستاتيستيكا دەپارتامەنتىنىڭ مالىمەتىنشە، 2017 -جىلمەن سالىستىرعاندا بىلتىر وڭىردەن كەتكەندەر سانى 15 پايىزعا ازايعان. ماسەلەن، 2017 -جىلى 12 مىڭعا جۋىق ادام وبلىس اۋماعىنان قونىس اۋدارعان بولاتىن.
«ءبىز ميگراتسيالىق پروتسەستەر بويىنشا وڭ وزگەرىستەردى بايقاپ وتىرمىز. كوپتەگەن جاستارىمىز وڭىردە قالۋدا. شەكارالىق ايماقتارعا بارىپ وقيتىن جاستاردىڭ سانى 13 پايىزى قىسقاردى. 2018 -جىلى ماناش قوزىبايەۆ اتىنداعى س ق م ۋ گرانتتار سانىن 342 دەن 1072 دەيىن ءوسىردى. جەرگىلىكتى بيۋدجەتتەن 75 گرانت ءبولىندى»، - دەدى وبلىس اكىمى قۇمار اقساقالوۆ.
2018 -جىلى مەملەكەتتىك باعدارلاما اياسىندا وبلىسقا 1,5 مىڭ ادام نەمەسە 450 وتباسى كوشىپ كەلدى. قونىس اۋدارعاندار بۇگىندە سولتۇستىك ءوڭىردىڭ 224 ەلدىمەكەنىندە تۇرىپ جاتىر. ولاردى جۇمىسقا ورنالاستىرۋ، باسپانامەن قامتۋ ماسەلەلەرى تولىق شەشىلگەن. بيىل تاعى 2 مىڭ ادام كەلەدى دەپ جوسپارلانعان. بولاشاعى بار اۋىلداردا 600 ءۇي سالىنادى. ولارعا جول، مەكتەپ، امبۋلاتوريانى جوندەۋگە، اۋىز سۋمەن قامتاماسىز ەتۋگە قارجى باعىتتالادى.
ايتىپ وتكەن ءجون، بيىل 705 ك م جول جوندەۋگە 37 ميلليارد تەڭگە بولىنەدى. 29 اۋىلعا تازا اۋىز سۋ كەلەدى، بۇل ەلدىمەكەندەردە 24 مىڭ ادام تۇرادى.