رەسەي بيلىگى تەك قازاق تىلىندە شىعاتىن تەڭگەگە بايلانىستى پىكىر ءبىلدىردى
12:04, 23 - اقپان 2019
استانا. قازاقپارات - رەسەي سىرتقى ىستەر مينيستىرلىگىنىڭ رەسمي وكىلى ماريا زاحاروۆا قازاقستان ۆاليۋتاسىنىڭ ديزاينىنداعى وزگەرىستەرگە قاتىستى پىكىر ءبىلدىردى، - دەپ حابارلايدى «گوۆوريت موسكۆا» راديوسى.
ماريا زاحاروۆا وزگەرىستەر «رەسپۋبليكانىڭ ىشكى ءىسى» ەكەنىن ايتتى. «بۇل ماسەلە تەك قازاقستان كونتەكستىندە عانا ەمەس، سونىمەن قاتار ءتىلى ورىس ادامدار تۇراتىن بۇكىل ايماقتىڭ جانە ءبىزدىڭ نازارىمىزدا»، - دەدى ديپلومات.
سىرتقى ساياسات ۆەدومستۆوسىنىڭ وكىلى ماسكەۋ استانامەن بايلانىستا ەكەنىن اتاپ ءوتتى. بۇدان بىلاي بانكنوتالار مەن مونەتالاردا ماتىندەر تەك مەملەكەتتىك تىلدە جازىلادى. بۇل تۋرالى قازاقستان پرەزيدەنتىنىڭ جارلىعىندا ايتىلدى. وزگەرىس 2018 -جىلدىڭ 12- جەلتوقسانىندا ەنگىزىلگەن.