استىق وڭدەيتىن زاماناۋي كەشەن سالىنادى
ولاردىڭ كوپ بولىگى ونەركاسىپ پەن اۋىل شارۋاشىلىعىنا تيەسىلى، دەپ حابارلايدى قازاقپارات.
وبلىس اكىمى ارحيمەد مۇحامبەتوۆ حالىققا ەسەپ بەرۋ كەزدەسۋىندە ءوڭىردىڭ ينۆەستيتسيالىق احۋالى تۋرالى حاباردار ەتتى. ول بىلتىر قوستانايعا ينۆەستورلاردى تارتۋ ماقساتىندا اتقارىلعان ىستەرگە توقتالدى.
«الەۋەتتى ينۆەستورلاردىڭ پايدالى اقپاراتقا وڭاي قول جەتكىزۋىن قامتاماسىز ەتۋ ماقساتىندا وبلىستىڭ ينتەراكيۆتى ينۆەستيتسيالىق كارتاسى جۇمىس ىستەيدى. وعان ينۆەستيسيالار تارتۋدى تالاپ ەتەتىن ينۆەستجوبالار، قولجەتىمدى ينفراقۇرىلىم جانە پايدالى قازبالار تۋرالى مالىمەتتەر ەنگىزىلگەن. ءبىز بيىل وبلىسىمىزعا ينۆەستورلار كوپتەپ كەلەدى دەپ ۇمىتتەنەمىز. سل ءۇشىن دە يميدجدىك ءىس- شارالار جالعاساتىن بولادى»، - دەيدى ارحيمەد مۇحامبەتوۆ .
اكىمنىڭ سوزىنشە، بىلتىر قوستاناي قالاسىندا «Kostanay Invest 2018» ەكىنشى وڭىرلىك ينۆەستيتسيالىق فورۋمى وتكىزىلىپ، وعان مىڭنان استام ادام قاتىستى. ناتيجەسىندە، جالپى سوماسى 251 ميلليارد تەڭگە بولاتىن 19 ءوزارا ىنتىماقتاستىق پەن ارىپتەستىك قۇجاتىنا قول قويىلدى.
«يندۋستريالىق ايماق قوستانايدىڭ ەكونوميكالىق «كوزىرلەرىنىڭ» بىرىنە اينالدى. ول ءالى سالىنىپ بىتكەن جوق. قازىرگى ۋاقىتتا ونىڭ اۋماعىندا 300 ميلليارد تەڭگەنىڭ 11 جوباسىن ىسكە اسىرۋ پىسىقتالىپ جاتىر. بۇل ارقىلى 2 مىڭنان استام جۇمىس ورنى پايدا بولۋى مۇمكىن. ولاردىڭ ىشىندەگى اناعۇرلىم ءىرى جوبالاردىڭ ءبىرى - «Bio Grain» ج ش س اۋىل شارۋاشىلىعى داقىلدارىن قايتا وڭدەيتىن زاماناۋي كەشەن. ونىڭ قۇرىلىس- مونتاج جۇمىستارى وسى جىلدىڭ 2-توقسانىندا باستالادى. جوبا ەلباسىنىڭ شيكىزات ەكسپورتىنان ءوزىمىز دايىندايتىن ونىمدەر ەكسپورتىنا كوشۋ تاپسىرماسىن ورىنداۋ شەڭبەسىندە ىسكە اسادى. العاشقى كەزەڭىنىڭ سوماسى - 300 ميلليون تەڭگە»، - دەدى ارحيمەد مۇحامبەتوۆ.
مۇنىڭ سىرتىندا، بىلتىر يندۋستريالىق ايماقتا امبەباپ- قۇراستىرۋ كەشەندەرى قۇرىلىسى اياقتالدى. وندا «بەلارۋس» ماركالى تراكتورلار وندىرەتىن زاۋىت («كومپوزيت گرۋپ» حولدينگى) جانە قۇرىلىس ماتەريالدارى مەن مەتالل قۇرىلىمى سەحى («زەو «استىق» ج ش س) ورنالاستىرىلادى.