داۋرەن ابايەۆ زورلىق- زومبىلىققا قاتىستى ۆيدەولاردى بۇعاتتاۋعا قاتىستى پىكىر ءبىلدىردى
ايتا كەتەيىك، بۇعان دەيىن ق ر ءبىلىم جانە عىلىم ءمينيسترى ەرلان ساعاديەۆ وقۋشىلاردىڭ توبەلەستەرى جايىندا ايتا كەلە، الەۋمەتتىك جەلىدە تاراعان ونداي ۆيدەولاردى بۇعاتتاۋ قاجەتتىگىن جەتكىزگەن بولاتىن.
«پسيحولوگتار مەن مۇعالىمدەر الەۋمەتتىك جەلىلەردە جاعىمسىز ۆيدەولاردى كورگەن بويدا اقپارات جانە كوممۋنيكاتسيالار مينيسترلىگىنە حابار بەرۋى كەرەك. YouTube جانە تاعى باسقا جەردە بىردەن بۇعاتتاپ تاستايتىنداي ءوزارا بايلانىس بولۋى قاجەت» ، - دەدى ە. ساعاديەۆ.
ق ر اقپارات جانە كوممۋنيكاتسيالار ءمينيسترى داۋرەن ابايەۆتىڭ ايتۋىنشا، بۇگىندە ءبىلىم جانە عىلىم مينيسترلىگىنىڭ وتىنىشتەرىن قاراۋ مەرزىمى قىسقارتىلدى. الايدا قانداي دا ءبىر ۆيدەونى بۇعاتتاۋ ءۇشىن الەۋمەتتىك جەلى اكىمشىسىنىڭ دە رۇقساتى قاجەت.
«ەندى، ءبىز بارلىق ماسەلەلەردى شەشە المايمىز. ءيا، ءبىلىم جانە عىلىم مينيسترلىگىنىڭ وتىنىشتەرىن قاراۋ مەرزىمىن، جالپى وسى سالاداعى اكىمشىلىك پروتسەدۋرالاردى ءبىر ساعاتقا دەيىن قىسقارتتىق. الايدا الەۋمەتتىك جەلىنىڭ اكىمشىسى دە بار. سوندىقتان ۆيدەونى بۇعاتتاۋ ۋاقىتى سوزىلىپ كەتۋى مۇمكىن. ءبىراق ونىمەن بىرەۋ زورلىق- زومبىلىق فاكتىلەرىن جاسىرايىن دەپ وتىرعان جوق. ءبىز ءاربىر ارەكەتتىڭ زاڭدى تۇردە قارالعانىن قالايمىز» ، - دەدى د. ابايەۆ جۋرناليستەرگە بەرگەن سۇحباتىندا.
ءمينيستردىڭ سوزىنە قاراعاندا، قازىرگى جۇيە تەك الەۋمەتتىك جەلىلەرگە عانا قاتىستى. ال مەسسەندجەرلەرگە تارامايدى. « ءبىز ءاربىر تەلەفوننىڭ ىشىنە كىرە المايمىز» ، - دەپ اتاپ كورسەتتى د. ابايەۆ.
ايتا كەتەيىك، بۇگىن ورتالىق كوممۋنيكاتسيالار قىزمەتىندە ق ر اقپارات جانە كوممۋنيكاتسيالار مينيسترلىگىنىڭ القا ءماجىلىسى ءوتتى. سول جەردە داۋرەن ابايەۆ تسيفرلىق تەلەحابارلارعا قوسىلاتىن وبلىستاردى اتادى. ال قازاقستاننىڭ تەلەحابارلارى رەسەيگە تارالا باستادى. ال ق ر پرەمەر- ءمينيسترىنىڭ ورىنباسارى - ق ر قورعانىس جانە اەروعارىش ونەركاسىبى ءمينيسترى اسقار جۇماعاليەۆ اقپاراتتىق تەحنولوگيالاردى دامىتۋ بويىنشا ءبىرقاتار تاپسىرمالار بەردى.