انيماتسيالىق «التىن جاۋىنگەر» فيلمى جارىققا شىعادى

 استانا. قازاقپارات - التىن ادامنىڭ دۇنيەجۇزىلىك شەرۋىنىڭ قورىتىندىسى بويىنشا عىلىمي- زەرتتەۋ فيلمدەرىنىڭ سيكلى مەن «التىن جاۋىنگەر» اتتى تولىق مەتراجدى انيماتسيالىق فيلم شىعادى، دەپ حابارلايدى قازاقپارات ءتىلشىسى.

ەلورداداعى «قازاقستان» كونسەرت زالىندا ق ر مادەنيەت جانە سپورت مينيسترلىگىنىڭ كەڭەيتىلگەن القا ءماجىلىسى باستالدى. ماجىلىستە مينيستر ارىستانبەك مۇحامەدي ۇلى ءوز باسقارۋىنداعى ۆەدومستۆونىڭ 2018 -جىلعى اتقارىلعان جۇمىسى مەن جوسپارى تۋرالى بايانداما جاساۋدا. مينيستر مادەنيەت جانە سپورت مينيسترلىگى قىزمەتىنىڭ نەگىزگى باعىتتارى «رۋحاني جاڭعىرۋ» مەملەكەتتىك باعدارلاماسى مەن پرەزيدەنتتىڭ «ۇلى دالانىڭ جەتى قىرى» باعدارلامالىق ماقالاسىندا بەلگىلەنگەنىن اتاپ ءوتتى.

 «National Geographic, BBC World news, Discovery, Viasat History جەتەكشى الەمدىك ارنالارمەن بىرلەسىپ، الەمدەگى تاريحي- مادەني مۇرانى كەڭىنەن ناسيحاتتاۋ جانە كوپشىلىككە تاراتۋ ءۇشىن قازاقستاننىڭ كيەلى وبەكتىلەرى تۋرالى تولىق مەتراجدى تاريحي دەرەكتى فيلمدەر سيكلى شىعارىلعان بولاتىن. اتاپ ايتقاندا، «كۇلتەگىن. جاڭا كوزقاراس» ، «قوجا احمەت ياساۋي جانە ايشا ءبيبى ماۆزولەيلەرى» ، «كوشپەندىلەر جەرى» سەكىلدى تاريحي فيلمدەر ەفيرگە شىقتى» ، - دەيدى مينيستر.

ارىستانبەك مۇحامەدي ۇلىنىڭ ايتۋىنا قاراعاندا، 2019 -جىلى «بوتاي» ، «تاڭىرشىلدىك كۇنىزبەسى»، «ۇلى دالانىڭ ەجەلگى مەتاللۋرگياسى» سەريالارى جارىققا شىعادى.

«ا ق ش، ۇلى بريتانيا، جاپونيا، يتاليا، فرانسيا، اۆستريا، قىتاي جەتەكشى مۇراجايلارىنا التىن ادامنىڭ دۇنيەجۇزىلىك شەرۋىنىڭ قورىتىندىسى بويىنشا عىلىمي- زەرتتەۋ فيلمدەرىنىڭ سيكلى مەن التىن جاۋىنگەر تۋرالى تولىق مەتراجدى انيماتسيالىق فيلم شىعارىلادى» ، - دەدى ول.

مينيستر ءوز بايانداماسىندا اتاپ وتكەندەي، تاريح ەسكەرتكىشتەرىنىڭ ينفراقۇرىلىمىن دامىتۋعا ەرەكشە كوڭىل بولىنەتىنىن ايتىپ ءوتتى. ونىڭ ايتۋىنا قاراعاندا، وتكەن جىلدىڭ وزىندە 3 رەسپۋبليكالىق «بوزوق» ، «بوتاي» جانە «سارايشىق» قورىق- مۇراجايى اشىلىپ، « ۇلىتاۋ» ، «وتىرار» ، «تاڭبالى» مۇراجاي- قورىقتارىندا ۆيزيت- ورتالىقتاردىڭ قۇرىلىسى باستالىپ كەتكەن.