الاياقتىقپەن اينالىسقان اكتەر ۇستالدى

الماتى. قازاقپارات - الماتى پوليتسياسى الاياقتىق ارەكەتتەرمەن اينالىسقان اكتەردى ۇستادى. بۇل تۋرالى قالالىق پوليسيا دەپارتامەنتىنىڭ باسپا ءسوز قىزمەتى حابارلادى.

پوليتسيانىڭ ايتۋىنشا، 21 جاستاعى جىگىت بۇرىن دا ءىستى بولعان.

 «پوليتسياعا جاسوپىرىمدەردىڭ، مەكتەپ وقۋشىلارىنىڭ اتا- انالارى شاعىمدانا باستادى. ءبىر جاعدايدا ول ۆيدەو جۇكتەپ الامىن دەپ جەلەۋمەن 15 جاستاعى وقۋشىدان نوۋتبۋك الىپ شىعۋىن سۇراعان. وسىلايشا بالانى الداپ دۇكەنگە كىرىپ كەتىپ، دۇكەننىڭ ارعى ەسىگىنەن شىعىپ كەتكەن. نوۋتبۋكتى 15 مىڭ تەڭگەگە ساتىپ جىبەرگەن. ءبىر جاعدايدا قىز بالانىڭ تەلەفونىن الداپ الىپ كەتكەن» ، - دەدى اۋەزوۆ اۋداندىق پوليسيا باسقارماسىنىڭ ءبولىمى باسشىسى ديدار احانوۆ.

قازىر اتالعان دەرەككە بايلانىستى ق ر ق ك 190-بابىنىڭ 2- ءبولىمى، 2-تارماعىمەن قىلمىستىق ءىس قوزعالدى.

 «وسىنداي قۇقىقبۇزۋشىلىقتان جاپا شەككەن ازاماتتار بولسا 2985370؛ 2985371, 2985372 تەلەفوندارىنا حابارلاسۋىن سۇرايمىز.

ايتا كەتۋ كەرەك، بۇل جىگىت بۇرىن ەكى رەت درامالىق كينولاردا ويناعان اكتەر بولىپ شىقتى» ، - دەدى ديدار احانوۆ.