كوكتايعاق، جەل، تۇمان - سەيسەنبىگە ارنالعان اۋا رايى
قازاقستاننىڭ بارلىق اۋماعىندا اتموسفەرالىق اۋا اعىمداردىڭ وتۋىنە بايلانىستى قۇبىلمالى اۋا رايى بولادى.
وسىعان بايلانىستى رەسپۋبليكانىڭ وڭتۇستىگىنىڭ كەي جەرلەرىندە قاتتى جاۋىن-شاشىن كۇتىلەدى. رەسپۋبليكا بويىنشا تۇمان، كوكتايعاق، بۇرقاسىن كۇتىلەدى، جەل كۇشەيەدى.
اقمولا، سولتۇستىك قازاقستان وبلىستارىنىڭ كەي جەرلەرىندە تۇمان ءتۇسىپ، كوكتايعاق كۇتىلەدى، جەلدىڭ ەكپىنى تۇندە كەي جەرلەرىندە 25 م/س جەتەدى.
قوستاناي، پاۆلودار، قاراعاندى، باتىس قازاقستان وبلىستارىنىڭ كەي جەرلەرىندە تۇمان، كوكتايعاق كۇتىلەدى، جەل 15-23 م/س كۇشەيەدى. اتىراۋ، اقتوبە، شىعىس قازاقستان وبلىستارىنىڭ كەي جەرلەرىندە جاياۋ بۇرقاسىن، تۇمان، كوكتايعاق بولىپ، جەلدىڭ كۇشى 15-22، شىعىس قازاقستان وبلىسىندا كۇندىز جەل ەكپىنى 25 م/س جەتەدى.
جامبىل، تۇركىستان، قىزىلوردا وبلىستارىنىڭ كەي جەرلەرىندە تۇمان، كوكتايعاق كۇتىلەدى، جەل 15-20، تۇركىستان وبلىسىندا كۇندىز ەكپىنى 25 م/س جەتەدى.
ماڭعىستاۋ وبلىسىنىڭ كەي جەرلەرىندە بۇرقاسىن، كوكتايعاق كۇتىلەدى، جەل 17-22 م/س كۇشەيەدى. الماتى وبلىسىندا كەي جەرلەردە تۇمان، كوكتايعاق كۇتىلەدى.