استانادا فۋتبولدان قازاقستان كۋبوگىنىڭ جەرەبەسى تارتىلادى
جەرەبە تارتۋ ءراسىمى استانا ۋاقىتىمەن 15.00 دە باستالادى. اتالمىش شارا بارىسى پفلك- ت ۆ ارقىلى تىكەلەي ەفيردە وتكىزىلەدى. ايتا كەتەلىك، العاشقى كەزەڭدە ءبىرىنشى ليگادا وينايتىن «اكادەميا وڭتۇستىك» ، «اقجايىك» (ورال) ، «التاي» (سەمەي) ، «كاسپي» (اقتاۋ) ، « قىزىلجار سك» (پەتروپاۆل) ، «قىران» (شىمكەنت) ، «ماقتارال» (تۇركىستان وبلىسى) جانە «ەكىباستۇز» كوماندالارى قاتىسادى. سونداي- اق، ولاردىڭ قاتارىنا ەكىنشى ليگادان «اقسۋ» ، «ارىس» (تۇركىستان وبلىسى) ، «رۋزايەۆكا» (سولتۇستىك قازاقستان وبلىسى) جانە سديۋسشور №8 (استانا قالاسى) جانە «يگىلىك» (قاراتاۋ) ، «ديدار سىدىقبەكتىڭ فۋتبول ورتالىعى» (استانا) سىندى اۋەسقوي كوماندالار قوسىلادى.
جەرەبە تارتۋ راسىمىندە اتالمىش 12 كوماندا ءۇش- ۇشتەن ءتورت توپقا بولىنەدى. ءار توپتان ۇزدىك شىققان كوماندالار جارىستىڭ 1/8 فينالدىق ساتىسىنا جولداما الادى. بۇل كەزەڭدە ولارمەن بىرگە پرەمەر- ليگا كوماندالارى دا باق سىنايدى. قازاقستان كۋبوگىنىڭ العاشقى كەزەڭى 19-27 - ناۋرىز كۇندەرى شىمكەنت قالاسى مەن تۇركىستان وبلىسىندا وتكىزىلەدى. بۇدان بۇرىن قازاقستاندا فۋتبول جانكۇيەرلەرىنە ارنالعان موبيلدىك قوسىمشا جاسالعانىن حابارلاعان ەدىك .