نۇرسۇلتان نازاربايەۆ تابىسقا جەتۋدىڭ جولىن ايتتى
كەزەكتى سپيكەر شىعىپ، ءوزىنىڭ تابىسقا جەتۋىنىڭ جولى تۋرالى ايتىپ جاتقاندا مەملەكەت باسشىسى ماڭىزدى ءبىر ماسەلەگە نازار اۋداردى، دەپ حابارلايدى قازاقپارات ءتىلشىسى.
«تابىسقا جەتۋ ءۇشىن ءبىر نارسەنى ۇنەمى جاساپ وتىرۋ قاجەت. ءبىر جۇمىستى باستاعاننان كەيىن شامالى ۋاقىت جاساپ، شارشادىم دەپ تاستاپ كەتسەڭ، ەشتەڭە شىقپايدى. دۇرىس پا؟ ال ول جۇمىستى ون جىل ۇزدىكسىز ىستەسەڭ، ءسوز جوق، ارمانىڭا جەتەسىڭ»، - دەدى ن. نازاربايەۆ.
ايتا كەتەيىك، استاناداعى «قازمەديا» ورتالىعىندا ەلباسى نۇرسۇلتان نازاربايەۆتىڭ «قازاقستاننىڭ 100 جاڭا ەسىمى» جوباسىنىڭ ەكىنشى كەزەڭى جەڭىمپازدارىمەن كەزدەسۋى ءوتىپ جاتىر. ولاردىڭ ىشىندە 29 جاستاعى ەرجان سالىمگەرەيەۆ تە بار. ول ءۇشىنشى سىنىپتا وقىپ جۇرگەندە ترانسفورماتوردىڭ ىشىنە كىرىپ، توققا ءتۇسىپ قالدى. سول كەزدە ول ءبىر قول جانە ءبىر اياعىنان ايىرىلدى. ءبىراق قيىنشىلىققا مويىماي، حالىقارالىق دارەجەدەگى سپورت شەبەرى، الەم كۋبوگىنىڭ ءتورت دۇركىن يەگەرى، ازيا ويىندارىنىڭ ەكى مارتە جەڭىمپازى دارەجەسىنە دەيىن جەتتى.