«كوپتەگەن ادامدار مۇراعاتتا قۇجاتتارمەن قاتار ۇلتتىق مۇراعات قورىن تولتىرعان جەكە تۇلعالار تۋرالى دەرەكتەردىڭ ساقتالاتىنىن بىلە بەرمەيدى. ەگەر سىزدە استانا، اقمولا، سەلينوگراد تاريحى تۋرالى قۇجاتتار بار بولسا، ولاردى استانا مۇراعاتىنا ۇسىنىڭىز» ، - دەلىنگەن استانا قالاسىنىڭ مەملەكەتتىك مۇراعاتىنىڭ Facebook جەلىسىندە تاراتقان حابارلاماسىندا.
مۇراعاتتىق ماتەريالدار ساناتىنا قاعاز قۇجاتتار (حاتتار، كۇندەلىكتەر، كىتاپتار، گازەتتەر جانە ت. ب) ، سونداي- اق فوتو، بەينە، اۋديو- ماتەريالدار، كينوحرونيكا، ەكسپوناتتار جانە باسقا دا تاريحي ارتەفاكتىلەر ەنگىزىلۋى مۇمكىن.
تاريحي قۇجاتتاردى ۇسىنعان ازاماتتارعا استانا تاريحىنىڭ ساقتالۋىنا ۇلەس قوسقاندىعى تۋرالى قۇجات بەرىلەدى.
ماتەريالدار ەلەكتروندىق تۇردە مۇراعاتتىڭ ەلەكتروندىق پوشتاسىندا قابىلدانادى (astana.gorarhiv@mail.ru) .
بايلانىس تەلەفونى: 87172249054.
اكسيا مەملەكەت باسشىسىنىڭ «ۇلى دالانىڭ جەتى قىرى» اتتى باعدارلامالىق ماقالاسىنداعى تاپسىرمالاردى جۇزەگە اسىرۋ اياسىندا جۇرگىزىلىپ جاتىر.