بەكبولات تىلەۋحان راديودا حابار جۇرگىزە باستادى
20:44, 11 - اقپان 2019
استانا. قازاقپارات - ق ر ءماجىلىس دەپۋتاتى، ق ر ۇلتتىق سپورت تۇرلەرى قاۋىمداستىعىنىڭ پرەزيدەنتى بەكبولات تىلەۋحان قازاق راديوسىندا «قوڭىر اڭگىمە» اتتى حابار جۇرگىزبەك.
حابار بۇگىننەن باستاپ ەفيرگە شىقتى.
بۇل تۋرالى «قازاق راديولارى» ج ش س باس ديرەكتورى قۇرمانبەك جۇماعالي الەۋمەتتىك جەلىدەگى جەكە پاراقشاسىندا جاريالادى. ونىڭ ايتۋىنشا، اتالعان باعدارلاما ەلباسىنىڭ «ۇلى دالانىڭ جەتى قىرى» ماقالاسى اياسىندا جۇرگىزىلىپ وتىر.
«ونداعى ماقسات ۇلتتىق قۇندىلىقتاردى دارىپتەپ، عاسىرلار بويى قالىپتاسقان باي مۇرانى ۇرپاق ساناسىنا ءسىڭىرۋ. قازاق راديوسىنىڭ ەفيرىنە ءار دۇيسەنبى كۇنى ساعات 20:00-دە شىعاتىن «قوڭىر اڭگىمە» حابارىنىڭ العاشقى سانى «ۇلتتىق كود» تاقىرىبىنا ارنالادى. حاباردىڭ جۇرگىزۋشىسى ق ر ءماجىلىس دەپۋتاتى، ق ر ۇلتتىق سپورت تۇرلەرى قاۋىمداستىعىنىڭ پرەزيدەنتى بەكبولات تىلەۋحان»، - دەيدى ق. جۇماعالي.
اۆتورى: بەيسەن سۇلتان ۇلى