وزبەكستاننان تابىلعان ينسۋلينگە قاتىستى تەكسەرۋ جالعاسۋدا
«ءيا، ءبىز بۇل ماسەلە بويىنشا ۇلتتىق قاۋىپسىزدىك كوميتەتىنە ءوتىنىش بەرگەن بولاتىنبىز. ولار قازىرگى ۋاقىتتا اتالعان پرەپاراتتىڭ سول جاققا وتكىزىلىپ كەتۋىنە بايلانىستى تەرگەۋ جۇمىستارىن جۇرگىزىپ جاتىر. ول پرەپاراتتاردى، شىنىمەن، كەپىلدەندىرىلگەن تەگىن مەديتسينالىق كومەك كورسەتۋ ءۇشىن «س ك- فارماتسيا» العان بولاتىن. بۇل پرەپاراتتار - 2018-جىلى ساتىپ الىنعان سەريا ەدى»، - دەدى ليۋدميلا بيۋرابەكوۆا و ك ق- دا وتكەن باسپا ءسوز ءماسليحاتىندا.
ليۋدميلا بيۋرابەكوۆانىڭ ايتۋىنشا، سونداي-اق دەنساۋلىق ساقتاۋ مينيسترلىگىنىڭ اۋماقتىق دەپارتامەنتتەرى دە ۇلتتىق بيۋرومەن بىرگە ءوز تەكسەرۋىن جۇرگىزۋدە.
«تەكسەرۋ جۇمىستارى ءالى اياقتالعان جوق. ونىڭ ناتيجەسى بەلگىلى بولعاننان كەيىن ءبىز بىردەن وسى ماسەلە بويىنشا حابارلاما بەرەتىن بولامىز»، - دەدى فارماتسيا كوميتەتىنىڭ ءتورايىمى.
ەسكە سالا كەتسەك، وتكەن ايدا قازاقستان ازاماتتارىنا ارنالعان ءينسۋليندى وزبەكستانعا ساتۋ فاكتىسى بويىنشا پروكۋراتۋرا تەكسەرۋ جۇرگىزە باستاعان بولاتىن.
«بۇل ماسەلەدە ءتيىستى اقپاراتتى الۋ ءۇشىن ءتيىستى ساۋالدى جولدادىق. اتالعان فاكتى بويىنشا تالداۋ جۇرگىزىلۋدە. سوندىقتان دا بۇل اقپارات راستالسا، وندا ءتيىستى شارالار قابىلدانادى»، - دەدى باس پروكۋروردىڭ ورىنباسارى اندرەي لۋكين.
ارادا كوپ وتپەي ق ر دەنساۋلىق ساقتاۋ مينيسترلىگى فارماتسيا كوميتەتىنىڭ ءتوراعاسى ليۋدميلا بيۋرابەكوۆا قازاقستاندىقتارعا ارنالعان ينسۋليننىڭ وزبەكستاندا ساتىلىپ جاتقانىنا بايلانىستى تۇسىنىك بەرگەن ەدى.