بۇگىن ەل اۋماعىنىڭ باسىم بولىگىندە بۇرقاسىن بولىپ، جەل كۇشەيەدى

استانا. قازاقپارات - 11- اقپاندا ەل اۋماعىنىڭ باسىم بولىگىندە اۋا اعىنىنىڭ ءوتۋى سالدارىنان كەي جەرلەرىندە قار جاۋادى، تەك باتىس جانە ورتالىق قازاقستاندا جاۋىن-شاشىنسىز اۋا رايى كۇتىلەدى.

رەسپۋبليكانىڭ كەي جەرلەرىندە تۇمان، كوكتايعاق، بۇرقاسىن، جەلدىڭ كۇشەيۋى كۇتىلۋدە، دەپ حابارلايدى قازگيدرومەت.

الماتى، جامبىل، تۇركىستان وبلىستارىنىڭ كەي جەرلەرىندە تۇمان، كوكتايعاق، جەلدىڭ 15-22 م/س كۇشەيۋى ىقتيمال.

شىعىس قازاقستان، اقمولا، سولتۇستىك قازاقستان وبلىستارىنىڭ كەي جەرلەرىندە تۇمان تۇسەدى، بۇرقاسىن، شىعىس قازاقستان وبلىسىنىڭ كەي جەرلەرىندە جەلدىڭ جىلدامدىعى 15-20 م/س جەتەدى.

قىزىلوردا، ماڭعىستاۋ، باتىس قازاقستان، اتىراۋ، اقتوبە، قوستاناي، قاراعاندى وبلىستارىنىڭ كەي جەرلەرىندە تۇمان،  قىزىلوردا، ماڭعىستاۋ وبلىستارىنىڭ كەي جەرلەرىندە كوكتايعاق كۇتىلەدى.