استانادا جەر ۇيلەرگە ىستان قورعايتىن قۇرىلعى ورناتىلا باستادى
«دجەنتەلمەندەر كلۋبىنداعى ارمان قاشقىنبەكوۆ پەن سانجاردىڭ دەمەۋشىلىك كومەگىمەن كوپبالالى وتباسىلاردىڭ، اۋدانداعى جەكە سەكتوردا تۇراتىن الەۋمەتتىك از قامتىلعان وتباسىلاردىڭ ۇيىنە ىس پەن تۇتىننەن قورعايتىن قۇرىلعى ورناتىلا باستادى. ت ج، ج پ ق اۋداندىق باسقارمالارى مەن ەرىكتىلەردەن قۇرالعان، جەكە سەكتوردىڭ ۇيلەرىن ارالاپ شىعاتىن موبيلدى توپتار قۇرىلدى»، - دەپ جازادى استانا قالاسى سارىارقا اۋدانى اكىمىنىڭ باسپا ءسوز حاتشىسى بيبگۇل ءابىددين فەيسبۋك پاراقشاسىندا.
ونىڭ ايتۋىنشا، توپتىڭ قۇرامىنداعى ماماندار ۇيگە ورناتىلعان پەشتەردىڭ قاۋىپسىزدىگىن تەكسەرىپ، ءتۇتىن شىعاتىن مۇرجاسىن تازارتىپ بەرىپ ءجۇر.
«نيەت بىلدىرگەن جانداردىڭ ءبارىن ءموبيلدى توپتاردىڭ قۇرامىنا كىرۋگە شاقىرامىز. توتەنشە جاعداي بويىنشا قىزمەتكەرلەرمەن بىرگە بارلىق ءۇي يەلەرىن تارتىپ، ءورت قاۋىپسىزدىگىن تەكسەرەتىن ازاماتتىق مونيتورينگ ۇيىمداستىرىلماق»، - دەيدى ول.