تۇسىڭىزدە تولقىن كورۋ نەنى بىلدىرەدى؟
كەيدە ول ادام ومىرىندە بولاتىن وزگەرىستەر جايىندا ەسكەرتسە، كەيدە قازىرگى جاعدايىن سيپاتتايدى. «دوم ماگي» سايتىنا سىلتەمە جاساعان NUR. KZ تۇسىڭىزدە تولقىن كورگەندە قالاي جورۋ كەرەگىن نازارلارىڭىزعا ۇسىنادى.
تولقىن تۋرالى ءتۇستى جورىماس بۇرىن الدىنمەن ونى بۇگە-شۇگەسىنە دەيىن ەسكە ءتۇسىرۋ كەرەك. سەبەبى ءتۇس جورۋدا تولقىننىڭ كولەمى، سۋدىڭ ءتۇسى، ونى كورگەن كەزدەگى ىشكى سەزىمىڭىز سياقتى جايتتار ەرەكشە ماعىنا ءبىلدىرۋى مۇمكىن.
ەگەر تۇسىڭىزدە الىپ تولقىندار كورسەڭىز، شىنايى ومىردە ءسىزدى ۇلكەن وزگەرىستەر كۇتىپ تۇرعانىن بىلدىرەدى. قانداي وزگەرىس ەكەنىن تولقىننىڭ تۇسىنەن بىلۋگە بولادى.
سۋ ءمولدىر بولسا، بۇل وڭ وزگەرىستەر، لاي بولسا، قيىندىقتارعا دايىندالۋ كەرەك دەگەن ءسوز. سول ساتتە تولقىننان قورقىپ تۇرعان بولساڭىز، بۇل سەزىمىڭىزدى باقىلاۋدا ۇستاۋ كەرەك ەكەنىن ەسكەرتەدى.
ال الىپ تولقىنداردى كورىپ، تامسانىپ تۇرساڭىز، وندا بارلىق قيىندىقتاردى جەڭىپ، ماقساتىڭىزعا جەتەسىز.
ەگەر الىپ تولقىندار تەڭىز تۇبىنەن كوتەرىلىپ، سۋدى لايلاپ جاتسا، وندا بۇل الداعى ۋاقىتتا ۇلكەن قاتەلىك جاسايتىنىڭىز جايىندا ەسكەرتكەنى بولىپ تابىلادى. الىپ ءمولدىر تولقىندار ماڭىزدى شەشىم قابىلدايتىن ءسات كەلگەنىن بىلدىرەدى.
تولقىندار اقىرىن عانا جاعالاۋعا سوعىلىپ جاتسا، وندا ءسىزدى الدا ۇزاق ساپار كۇتىپ تۇر. ال سونداي تولقىندار ايلاقتىڭ ۇستىنەن اسىپ، سوعىلىپ جاتسا، وندا ومىرلىك سەرىگىڭىزدى كەزدەستىرەسىز دەگەن ءسوز.
كىشكەنە تولقىندار اياعىڭىزعا كەلىپ سوعىلىپ جاتسا، ومىرىڭىزگە وڭ وزگەرىستەر ەنگىزۋدىڭ ءساتى كەلدى دەگەن ماعىنانى بىلدىرەدى. ال تولقىندى كورمەي، تەك ونىڭ شۋىن ەستىسەڭىز، وندا دۇشپاندارىڭىز ءسىز تۋرالى وسەك تاراتىپ ءجۇر.
تۇسىڭىزدە تسۋنامي كورسەڭىز، ومىرىڭىزدە تۇبەگەيلى وزگەرىستەر ورىن الادى. سۇيىكتىڭىزبەن ايىرىلىسۋىڭىز مۇمكىن.
ەگەر تولقىن كەلىپ، ءسىزدى باسىپ قالسا، بۇل جامانشىلىقتىڭ نىشانى. ءسىز اۋرۋعا شالدىعاسىز نەمەسە ومىرلىك قيىندىقتار باستالادى.
الىستان تولقىنداردىڭ جاعاعا سوعىلىپ جاتقانىن باقىلاپ تۇرساڭىز، جۇبىڭىزبەن ارا-قاتىناسىڭىز كوپ ۇزاماي ناشارلايتىنىن بىلدىرەدى. سونىمەن قاتار دەنساۋلىعىڭىزعا كوڭىل ءبولۋ كەرەك دەگەن ءسوز.
تۇسىڭىزدە ءمولدىر تولقىن كەلىپ ءۇيىڭىزدى باسىپ قالسا، وتباسىلىق ومىرىڭىزدە بەرەكە مەن شاتتىق ورنايتىنىن حابارلايدى.
تولقىندى باعىندىرساڭىز، وندا تاعدىر سىزگە كوپتەگەن توسىنسىي جاسايدى.
تولقىندار جارتاستارعا سوعىلىپ جاتسا، ماقساتىڭىزعا جەتۋدە كوپتەگەن توسقاۋىلدار كەزدەسەدى.