مينيسترلىكتىڭ كەڭەيتىلگەن ماجىلىسىندە ءو. شوكەيەۆتىڭ ءبىرىنشى ورىنباسارى ارمان ەۆنيەۆ قۇس شارۋاشىلىعىن دامىتۋ جونىندەگى سالالىق باعدارلامانىڭ ارقاسىندا وتكەن جىلى ەلىمىزدە 5,6 ميلليارد دانا جۇمىرتقا وندىرىلگەنىن ايتتى.
«بۇل 2017-جىلعى كورسەتكىشتەن 10 پايىزعا ارتىق. العاش رەت ەكسپورتقا 602 ميلليون دانا جۇمىرتقا شىعارىلدى. بۇل دا 2017-جىلمەن سالىستىرعاندا 2 ەسە كوپ. 190 مىڭ توننا قۇس ەتى ءوندىرىلدى. اقمولا وبلىسىندا ورتالىق ازياداعى ەڭ ءىرى قۇس فابريكاسى ىسكە قوسىلدى. ونىڭ باستاپقى كەزەڭدەگى جىلدىق قۋاتى 25 مىڭ توننا بولسا، الداعى ۋاقىتتا 60 مىڭ تونناعا جەتەدى»، - دەدى ول.
وسى رەتتە ءومىرزاق شوكەيەۆ ق ر جۇمىرتقا وندىرۋشىلەر قاۋىمداستىعىنىڭ پرەزيدەنتى ماكسيم بوجكودان: «بيىل ەكسپورتقا شىعارىلاتىن جۇمىرتقانى ميلليارد داناعا جەتكىزە الامىز با؟»، - دەپ سۇرادى. ال بوجكو مۇنداي مۇمكىنشىلىك بار ەكەندىگىن اتاپ ءوتتى.
اۋىل شارۋاشىلىعى ءمينيسترى بۇل ماسەلەنى شەشۋ ءۇشىن بارلىق مۇمكىنشىلىكتەردى قاراستىرۋدى تاپسىردى.
«قاجەتتىلىك بولسا، ءبىز كومەك كورسەتەمىز، شارالار قابىلدايتىن بولامىز»، - دەدى ءو. شوكەيەۆ.