قاسىم-جومارت توقايەۆ قازاقستان بويىنشا تۋريزم فاكۋلتەتتەرىن اشۋدى ۇسىندى
«تۋريزم جاستار اراسىنداعى كاسىپكەرلىكتى دامىتۋ باعىتىندا كەلەشەگى زور سالاعا اينالادى. ءبىزدىڭ ەلىمىزدە ەكولوگيالىق، سپورتتىق-ساۋىقتىرۋ جانە ەكسترەمالدى تۋريزم سالالارىن دامىتۋ ءۇشىن بارلىق مۇمكىندىكتەر بار. تۋريزم سالاسى بويىنشا بىلىكتى مامانداردىڭ جەتىسپەۋشىلىگىن ەسكەرە وتىرىپ، ەلىمىزدىڭ جوعارى وقۋ ورىندارىندا تۋريزم جانە ءقوناقۇي بيزنەسى فاكۋلتەتتەرىن كەڭىنەن اشۋ قاجەت»، - دەدى ق. توقايەۆ پارلامەنت سەناتىندا جاستار ماسەلەسىنە ارنالعان دوڭگەلەك ۇستەل وتىرىسىندا.
سونىمەن قاتار ول ۇلتىمىزدىڭ زياتكەرلىك الەۋەتىن نىعايتۋ - ماڭىزى ايرىقشا مىندەتتەردىڭ قاتارىندا ەكەنىن اتاپ ءوتتى.
«دۇنيەجۇزىنە ايگىلى IT- كومپانيالاردا ۇلكەن جەتىستىكتەرگە جەتكەن وتانداستارىمىز دا بار. وسىنداي بولاشاعى زور جاس ماماندار ەل يگىلىگى ءۇشىن، ەكونوميكامىزدى دامىتۋ جولىندا قىزمەت ەتۋى قاجەت. ارينە، ەڭ الدىمەن، ءبىز ولارعا قاجەتتى جاعداي جاساۋعا ءتيىسپىز. دارىندى جاستارعا جەتكىلىكتى دەڭگەيدە قولداۋ كورسەتپەي، «الدىڭعى قاتارلى زياتكەر مەملەكەت» قاتارىنا قوسىلۋ قيىن ەكەنىن مويىنداۋىمىز كەرەك»، - دەدى سەنات ءتوراعاسى.
ونىڭ پايىمىنشا، جاستاردى پارلامەنتتىڭ جانە جەرگىلىكتى وكىلەتتى ورگانداردىڭ جۇمىسىنا كەڭىنەن تارتۋ قاجەت.
«ءبىز وزدەرىنىڭ ازاماتتىق كوزقاراسىن بەلسەندى تۇردە بىلدىرە الاتىن جانە ونى تاباندىلىقپەن قورعايتىن جاڭا بۋىن وكىلدەرىنە قولداۋ كورسەتۋىمىز كەرەك. العا قويعان ماقساتتارىنا قول جەتكىزىپ، ءوزىن-ءوزى دامىتۋعا تالپىنعان جاستارعا شىنايى قولداۋ قاجەت. قازاقستاندىق جاستار ءوز بولاشاقتارىنا سەنىممەن قاراۋى ءتيىس، ولار ءۇشىن قازاقستان مەملەكەتتىك باسقارۋدان باستاپ عىلىم مەن شىعارماشىلىققا دەيىن سان الۋان سالالاردا تابىسقا جەتۋگە مول مۇمكىندىكتەر بەرەتىن ەل بولۋى ءتيىس»، - دەدى قاسىم-جومارت توقايەۆ.