عالىمدار تەلەديدارعا تەلمىرۋدىڭ اسا قاتەرلى ەكەنىن ءتۇسىندىردى
ولار ا ق ش-تا 1989 -جىلدان بەرى جينالعان نەگىزگى سوزىلمالى اۋرۋلار ءۇشىن قاۋىپتى فاكتورلار تۋرالى مالىمەتتەر بازاسىنىڭ ەڭ ءىرى قورى - مەيىربيكە دەنساۋلىعىن زەرتتەۋدىڭ ەكىنشى كەزەڭىنىڭ ناتيجەلەرىن تالداپ شىقتى. عالىمدار «قاتىسۋشىلاردىڭ وتىرۋ ادەتتەرىنە»، اتاپ ايتقاندا، ولاردىڭ «تەلەديدار الدىندا تەلمىرىپ» وتكىزگەن ۋاقىتقا نازار اۋداردى.
تىكىشەك وبىرىنىڭ ەرتە دامۋىنىڭ 118 وقيعاسىن زەرتتەگەن عالىمدار تەلەباعدارلامالاردى كورىپ وتكىزگەن ءبىر ساعات ۋاقىت اۋرۋعا شالدىعۋ ءقاۋپىن 12 پايىزعا وسىرگەنىن بايقاعان. ال كۇن سايىن تەلەديدار الدىندا ەكى ساعاتتان ارتىق وتىرعانداردىڭ دەرتكە شالدىعۋ قاۋپى 70 پايىز جوعارى بولدى.
عالىمدار انىقتالعان بۇل زاڭدىلىقتىڭ زەرتتەۋگە قاتىسۋشىلاردىڭ سالماعى جانە فيزيكالىق بەلسەندىلىگىمەن، سونداي-اق، گەنەتيكالىق فاكتورعا بايلانىستى ەمەس ەكەنىن اتاپ ءوتتى.