ВВС باسىلىمىنىڭ جازۋىنشا، 82 مينۋتقا سوزىلعان سوزىندە دونالد ترامپ اقپاننىڭ 27-28 - كۇندەرى ۆەتنامدا ق ح د ر باسشىسى كيم چەن ىنمەن جوعارى دەڭگەيدەگى كەزدەسۋ وتكىزەتىنىن ايتقان.
«ەكىنشى ءسامميتتى وتكىزۋ تۋرالى جوسپار بىلتىر ماۋسىمدا وتكەن تاريحي كەزدەسۋدەن كەيىن قۇرىلا باستاعان بولاتىن. وتكەن جىلدىڭ جازىنان بەرى سولتۇستىك كورەيا اتوم نەمەسە بالليستيكالىق راكەتەلاردى سىناقتان وتكىزبەدى. دەگەنمەن، ولار ءالى يادرولىق قارۋ قۇرۋ باعدارلاماسىنان باس تارتقان جوق» ، - دەدى دونالد ترامپ.
ВВС باسىلىمىنىڭ اۆتورى لورا بيكەردىڭ ايتۋىنشا، ەكىنشى سامميت كەزىندە كيم چەن ىن ەش نەگىزسىز، تاعى ۋادە بەرىپ قۇتىلۋى مۇمكىن. دەگەنمەن، ترامپ اكىمشىلىگى سانكتسيالاردان باس تارتپايتىنىن، ءبىراق سولتۇستىك كورەيانىڭ ەكونوميكاسىنا كومەك بەرىلۋى مۇمكىن ەكەنىن اتاپ ءوتتى.
«دونالد ترامپ كيم چەن ىننان اۋىزشا ەمەس، قاعاز جۇزىندە مالىمدەمە الۋى كەرەك. ەگەر ولاي بولماسا، وندا بۇل كەزدەسۋلەردىڭ بارلىعى بوسقا ۋاقىت وتكىزگەنمەن تەڭ. ال ءوزىنىڭ قارۋ وبەكتىلەرىنىڭ ءتىزىمىن اشىپ ايتپاي وتىرعان جابىق مەملەكەتكە كومەك كورسەتۋ تىپتەن ويلاندىراتىن جاعداي» ، - دەپ جازادى اۆتور.
باسىلىمنىڭ حابارلاۋىنشا، ا ق ش- تىڭ سولتۇستىك كورەياداعى ەلشىسى ەكىنشى سامميت تۋرالى كەلىسسوزدەر جۇرگىزۋ ءۇشىن پحەنيانعا بارعان. «بىلتىر وتكەن كەزدەسۋ جاقسى قابىلدانعانىمەن، ناقتى شەشىم بولماعانى بەلگىلى. ەكى جاق تا دەنۋكلەريزاتسيانى قولدايتىنىن ايتقانىمەن، ونىڭ قالاي جۇزەگە اسىرىلاتىنى جۇمباق كۇيىندە قالدى» ، - دەپ جازىپتى باسىلىم.
ال ساراپشىلار دونالد ترامپتىڭ سولتۇستىك كورەيا ەندى الەمگە قاۋىپ توندىرمەيتىنى تۋرالى پىكىرىنە توقتالىپ، ايتسە دە ك ح د ر- دىڭ يادرولىق باعدارلامادان باس تارتپاعانىن ۇمىتپاۋ كەرەكتىگىن ەسكە سالادى.
ا ق ش سولتۇستىك كورەيانىڭ يادرولىق قارۋ وبەكتىلەرىنىڭ ءتىزىمىن تولىق جاريالاۋىن سۇراپ وتىر. بۇل ءتىزىم قولدارىنا تيسە ا ق ش وبەكتىلەردى حالىقارالىق ۇيىمداردىڭ باقىلاۋىمەن جوياتىنىن دا ايتادى. دەگەنمەن، سولتۇستىك كورەيا ءالى دە ءتىزىمدى ۇسىناتىن سىڭاي تانىتا قويمادى.
ايتا كەتۋ كەرەك، ب ۇ ۇ سولتۇستىك كورەيا يادرولىق باعدارلاماسىن جالعاستىرىپ، سانكتسيالاردى بۇزعانىن ايتتى. ب ۇ ۇ بايانداماسىندا حالىقارالىق قاۋىمداستىقتاردىڭ سانكسيالارى دا ءتيىمسىز بولا باستاعان.