دەمالىس كۇندەرىنە دەيىن ەلىمىزدەگى ايازدىڭ بەتى قايتپايدى
13:51, 06 - اقپان 2019
استانا. قازاقپارات - الداعى ەكى تاۋلىكتە ەلىمىزدە اياز ساقتالادى. بۇل تۋرالى قازگيدرومەتتىڭ 7-9- اقپانعا ارنالعان اۋا رايى بولجامىندا ايتىلدى، دەپ حابارلايدى قازاقپارات.
«قازاقستاننىڭ باتىس وبلىستارىنا جىلجىپ كەلە جاتقان اتموسفەرالىق فرونتتار قازاقستاننىڭ باسىم بولىگىندەگى قاتتى ايازدى تۋدىرعان اركتيكالىق اۋا ماسسالارىمەن بىرگە انتيتسيكلوندى ىعىستىرا باستايدى. الداعى ەكى تاۋلىكتە رەسپۋبليكانىڭ باسىم بولىگىندە انومالدى سۋىق اۋا رايى ساقتالادى. ءبىراق اتموسفەرالىق اعىنداردىڭ شىعىسقا قاراي ىعىسۋىنا بايلانىستى ەلىمىزدە قايتادان قار جاۋادى، باتىستان كۇشى جەل كەلەدى جانە بوران سوعادى، سونداي-اق تەمپەراتۋرانىڭ جوعارىلاۋى كۇتىلەدى»، - دەلىنگەن سينوپتيكتەردىڭ حابارلاماسىندا.