استانا ماڭىنداعى اۋىلدارعا قاتىنايتىن ءبىرقاتار اۆتوبۋستار قوزعالىسى توقتاتىلدى

استانا. قازاقپارات - استانا ماڭىنداعى اۋىلدارعا قاتىنايتىن اۆتوبۋستار قوزعالىسى توقتاتىلدى، دەپ حابارلايدى قازاقپارات Astana LRT كومپانياسىنىڭ فەيسبۋكتەگى پاراقشاسىنا سىلتەمە جاساپ.

«اۋا رايىنىڭ قولايسىزدىعىنا بايلانىستى  307№ جانە 317№ قالا ماڭىنا قاتىنايتىن باعدارلاردىڭ قوزعالىسى توقتاتىلادى»، - دەلىنگەن حابارلامادا.

كومپانيا تۇرعىندارعا بارىنشا ساق بولىپ، ايازدا توڭىپ قالماۋدى، بارار جولدارىنان الدىن الا ويلاستىرىپ الۋدى سۇرايدى.

«قوزعالىستىڭ قالپىنا كەلتىرىلگەندىگى جايىندا قوسىمشا حابارلايتىن بولامىز. قوعامدىق كولىككە قاتىستى جاڭالىقتاردى كومپانيانىڭ الەۋمەتتىك جەلىدەگى پاراقشالارىنان نەمەسە سايتىنان بىلە الاسىزدار»، - دەلىنگەن حابارلامادا.

ەسكە سالا كەتسەك، اۋا رايىنىڭ قولايسىزدىعىنا بايلانىستى استانادان پاۆلودارعا، كوكشەتاۋعا جانە اتباسارعا شىعاتىن جولدار جابىلدى. سونىمەن قاتار قالادا ءبىرىنشى جانە ەكىنشى اۋىسىمداعى وقۋشىلارعا ساباق وتكىزىلمەدى.