قازاقستاندىق تەننيسشى ا ق ش- تا وتكەن تۋرنيردىڭ جەڭىمپازى اتاندى

استانا. قازاقپارات - قازاقستاندىق تەننيسشى دميتري پوپكو ا ق ش- تىڭ بەستون قالاسىندا وتكەن تۋرنيردىڭ جەڭىمپازى اتاندى، دەپ حابارلايدى قازاقپارات ءتىلشىسى.

وسى ITF تۋرنيرىنىڭ ءبىرىنشى راكەتكاسى بولىپ تىركەلگەن، دۇنيەجۇزىلىك رەيتينگتە 380-ورىندا تۇرعان د. پوپكو فينالدا چيليلىك الەحاندرو تابيلومەن كەزدەستى.

قازاقستاندىق تەننيسشى رەيتينگتە 613-ساتىداعى قارسىلاسىن 6:2، 6:3 ەسەبىمەن ەكى سەتتە ۇتتى.

جارىس بارىسىندا دميتري پوپكو يتاليالىق الەسساندرو پەترونە، امەريكالىق پاۋل وستەرمان، تاعى ءبىر يتاليالىق پەترو روندوني جانە برازيليالىق جۋان سوۋزانى ەلىنە قايتاردى.

ەسكە سالا كەتەيىك، بۇدان بۇرىن ەلەنا رىباكينانىڭ اۋستراليادا وتكەن جارىستىڭ جەڭىمپازى اتانعانىن، قازاقستاننىڭ ءبىرىنشى راكەتكاسى ميحايل كۋكۋشكيننىڭ سوفيا تۋرنيرىندەگى قارسىلاسى انىقتالعانىن جازعان بولاتىنبىز.