گۋگل كورپوراتسياسى گۋگل+ الەۋمەتتىك جەلىسىن جابۋعا شەشىم قابىلدادى
سەرۆيس 2 -ساۋىردەن باستاپ قولجەتىمسىز بولادى، دەپ حابارلايدى قازاقپارات ءتىلشىسى The Guardian باسىلىمىنا سىلتەمە جاساپ.
Google+ الەۋمەتتىك جەلىسىن قولدانۋشىلاردىڭ بارلىق پاراقشالارى، فوتوسۋرەتتەرى، ۆيدەولارى وشىرىلەدى.
الەۋمەتتىك جەلى قىزمەتىنىڭ توقتاۋى Google-دىڭ باسقا سەرۆيستەرىنە اسەر ەتپەيدى. Gmail, YouTube جانە Google كارتا سياقتى سەرۆيستەرمەن بايلانىستى Google ەسەپتىك جازبالارى جۇمىس ىستەي بەرەدى. تەك الەۋمەتتىك جەلى رەتىندە اشىلعان Google+ ەسەپتىك جازباسى جويىلادى.
حالىقارالىق كورپوراتسيا «الەۋمەتتىك جەلىنى قولدانۋشىلاردىڭ تىم ازدىعى جانە ونى تۇتىنۋشىلار تالابىنا ساي دەڭگەيدە ۇستاپ تۇرۋدىڭ قيىندىعىنا بايلانىستى» وسى سەرۆيستەن باس تارتاتىنىن مالىمدەدى. اتالعان «قيىندىق» وسى جەلى قولدانۋشىلاردىڭ جەكە اقپاراتتارىنىڭ «اشكەرەلەنۋىنە» بايلانىستى بولۋى مۇمكىن. ونى كومپانيا 2018 -جىلدىڭ ناۋرىزىندا انىقتاعان، ءبىراق التى اي بويى قۇپيا ساقتاپ كەلگەن.
باستاپقىدا كومپانيا الەۋمەتتىك جەلىنى بيىل تامىز ايىندا جابۋعا شەشىم قابىلداعان ەدى. الايدا، 2018 -جىلدىڭ قاراشاسىندا جەلىنىڭ قاۋىپسىزدىك جۇيەسىنەن تابىلعان كەمشىلىك ونى جىلدامداتۋعا سەبەپ بولدى.