الما قابىعىنىڭ پايداسى

نۇر-سۇلتان. قازاقپارات - ا ق ش- نىڭ ايوۆا ۋنيۆەرسيتەتىنەن در. ب. ادامستىڭ جەتەكشىلىگىمەن جاسالعان زەرتتەۋ ناتيجەسىندە، الما قابىعىنداعى ۋرسول قىشقىلىنىڭ مايلاردى ەرىتۋ جانە بۇلشىق ەتتەردى نىعايتۋ ەرەكشەلىگىنىڭ ارىقتاۋعا كومەكشى بولاتىنى انىقتالدى.

تىشقاندارعا جاسالعان تاجىريبەلەردە المانىڭ بۇلشىق ەتتى  ارتتىراتىنى جانە دەنەدەگى مايلاردىڭ جارتىسىنان كوبىن ازايتقاندىعى انىقتالدى. ۋرسول قىشقىلدىڭ تىشقانداردا بۇلشىق ەت تىعىزدىعىن ارتتىرعانىمەن، جالپى دەنە سالماعىن ارتتىرماعاندىعى دا انىقتالدى. وسى سەبەپتى الما ارىقتاۋ ءۇشىن جاقسى جەمىس بولماق.

المانىڭ پايدالارى وسىمەن بىتپەيدى. جۇيەلى تۇردە الما جەۋ قان شەكەرىن، حولەستەريندى جانە زياندى ماي قىشقىلدارىنىڭ دەڭگەيىن ازايتادى. در. ادامس المانىڭ اسىرەسە ۋاقىت وتە كەلە بۇلشىق ەتتەرى ازايعان قارتتار ءۇشىن پايدالى ەكەنىن، ياعني اتروفيا دەپ اتالاتىن بۇل اۋرۋدىڭ «اۋرۋ كەزدە نەمەسە كارىلىكتە» قاتتى اسەر ەتەتىنىن جانە ونىڭ ەمى جوق ەكەنىن اتاپ ءوتتى. اتروفيا اۋرۋىنا كەدەرگى بولا الاتىن ەلەمەنتتەردىڭ المانىڭ قابىعىندا مول بولاتىندىعى مالىمدەندى.