وقۋشىلار اراسىندا «استانا - ءان قاناتىندا» بايقاۋى باستالدى

 استانا. قازاقپارات - ءان بايقاۋى «بولاشاققا باعدار: رۋحاني جاڭعىرۋ» باعدارلاماسى اياسىندا وتكىزىلۋدە، دەپ حابارلايدى ەلوردا اكىمدىگىنىڭ رەسمي سايتى.

شارانى №1 ونەر مەكتەبى استانا قالاسى ءبىلىم باسقارماسىنىڭ قولداۋىمەن ۇيىمداستىرىپ وتىر. وعان 54 جالپى ءبىلىم بەرەتىن مەكتەپتىڭ 9-14 جاس ارالىعىنداعى وقۋشىلارى قاتىسۋدا.

 «بايقاۋ ەستەتيكالىق تالعامدى دامىتۋعا مۇمكىندىك بەرەدى. بولاشاقتا ءبىزدىڭ بالالار وزدەرىنىڭ جەتىستىكتەرىن قالالىق جانە رەسپۋبليكالىق جارىستاردا عانا ەمەس، حالىقارالىق ءان فەستيۆالدەرىندە دە كورسەتە الادى» ، - دەپ اتاپ ءوتتى №1 ونەر مەكتەبىنىڭ ديرەكتورى فارحاد سابييەۆ.

بايقاۋ ەكى كەزەڭنەن تۇرادى. قازىلار القاسى نومىرلەردى بىرنەشە نەگىزگى كريتەريي بويىنشا، سونىڭ ىشىندە ۆوكالدىق ورىنداۋ شەبەرلىگى، كوركەمدىك قويىلىمى، ساحنالىق كوستيۋمى بويىنشا باعالايدى.