الەمدە اۆتوجارىستىڭ جاڭا ءتۇرى پايدا بولادى

 استانا. قازاقپارات -  2021 -جىلى اۆتوجارىستىڭ جاڭا ءتۇرى پايدا بولادى. اۆتودودا Extreme E دەپ اتالادى. بۇعان تەك ەلەكتروموبيلدەر عانا قاتىسادى.

 جاڭا جارىس ءتۇرىن ۇيىمداستىرۋدى قولداۋشىلاردىڭ ءبىرى - قازىرگى «فورمۋلا 1» چەمپيوناتىنىڭ باس پروموۋتەرى الەحاندرو اگاگ. سونداي- اق McLaren كومانداسىنىڭ ديرەكتورى جيلەم دە فەرران دا بۇل باستاماعا ءوز ۇلەسىن قوسپاق. اۆتودودا ەكزوتيكالىق ايماقتاردا ۇيىمداستىرىلماق ەكەن. كەي بەيرەسمي اقپاراتتار بويىنشا جارىس اركتيكا، گيمالاي تاۋلارى، امازونكا، ساحارا ءشولى مەن ءۇندى مۇحيتىنداعى ارالداردا دا ءوتۋى مۇمكىن. بۇل جارىستى ۇيىمداستىرۋدىڭ باستى ماقساتى - كليماتتىڭ وزگەرۋىنە قوعام نازارىن اۋدارۋ بولماق. وتەتىن جەردىڭ تابيعاتىنا بايلانىستى ەلەكترلى جول تالعامايتىن اۆتوكولىكتەر جارىس جولىنا شىعادى. جيلەم دە فەرران بۇل جارىس اۆتوسپورت تاريحىندا ەڭ قىزىقتى جارىستاردىڭ ءبىرى بولاتىنىن سۇقباتتارىندا ايرىقشا ايتا باستادى.

Massaget.kz