ساياتشىلىق ونەردى ناسيحاتتايتىن «سالبۋرىن» فەستيۆالى ءوتتى
بۇركىت باپتاپ، تازى جۇگىرتكەن قازاقتىڭ ءتول ءداستۇرىن جالعاستىرۋعا ارنالعان فەستيۆالگە ءوڭىردىڭ قالا- اۋداندارىنداعى ساياتشىلار، ولاردىڭ 15 بۇركىت، 16 تازىسى قاتىسىپ جاتىر، دەپ حابارلايدى قازاقپارات ءتىلشىسى.
ماڭعىستاۋلىق اڭشىلاردى «يت جۇگىرتىپ، قۇس سالۋ» قىزىعى كۇتىپ تۇر
«سالبۋرىن - مەرەكە عوي ساياتشىعا» اتتى شارادا سونداي- اق، وبلىستىق تاريحي- ولكەتانۋ جانە بەينەلەۋ ونەرى مۋزەيلەرى ەتنوگرافيالىق كوشپەلى كورمە ۇيىمداستىردى. وندا مۋزەيلەر قورىنداعى اتبەگى، قۇسبەگى، ساياتشىلىق، اڭشىلىق تاقىرىپتارىنداعى جادىگەرلەر مەن سۋرەتتەر قويىلدى.
تۇلكىباستا ساياتشىلىق ونەردى ناسيحاتتايتىن «سالبۋرىن» فەستيۆالى ءوتتى
شارا اياسىندا بۇركىت باپتاۋ مەن قۇماي تازىلاردى اڭشىلىققا باۋلۋ، اڭعا سالۋ جايىندا وي- پىكىرلەر ايتىلىپ، ءىس جۇزىندە ەل الدىندا كورسەتىلدى. وڭتۇستىك وڭىرىنە بەلگىلى قۇسبەگىلەر ءوز كاسىپتەرىنىڭ قىر- سىرى تۋرالى اڭگىمەلەپ، ساياتشىلىق ءداستۇر تۋرالى تولعاندىرعان سۇراقتارعا جاۋاپ بەردى.
ايتا كەتەيىك، سالبۋرىن - قازاقتىڭ قىسقى مەرەكەلىك داستۇرلەرىنىڭ ءبىرى. قىس ماۋسىمىندا اڭشىلار مەن ساياتشىلار توپتالىپ، بىرنەشە كۇنگە اڭ اۋلاۋعا شىعادى. ساياتشىلىققا جانى قۇمار قازاقتار ءۇشىن قان سوناردا اڭعا شىعۋ، ودان ولجالى ورالۋ قىسقى مەرەكە رەتىندە تانىلعان.