ءۇش پايىزبەن ءبولىپ تولەۋ: ەكسپو اۋماعىنداعى پاتەرلەر جاڭا تارتىپپەن ساتىلادى
ەسكە سالساق، 2018 -جىلدىڭ 16 - قاڭتارىنان باستاپ جىلجىمايتىن مۇلىكتى ساتىپ الۋعا ءوتىنىم قابىلداۋ ۋاقىتشا توقتاتىلعان ەدى.
و ك ق- دا وتكەن بۇگىنگى باسپا ءسوز ءماسليحاتىندا «بايتەرەك ديەۆەلوپمەنت» ا ق باسقارما ءتوراعاسىنىڭ ورىنباسارى اسقاربەك وسەربايەۆ تۇرعىن ۇيلەردى وتكىزۋ 15 - اقپاننان باستاپ ساتۋدىڭ جاڭا مەحانيزمى ىسكە قوسىلاتىنىن حابارلايدى.
ناقتىراق ايتقاندا، كومپانيا ەكسپو اۋماعىنداعى تۇرعىن ءۇيدى حالىققا جىلدىق 3 پايىزبەن 12 جىلعا ءبولىپ تولەۋ ارقىلى وتكىزۋدى كوزدەيدى. جاڭا مەحانيزم بويىنشا تۇرعىن ءۇيدى ساتىپ الۋ ءۇشىن ساتىپ الۋشى كەلەسى شارتتاردى ورىنداۋى كەرەك:
1) تولەم قابىلەتىن راستاۋ؛
2) تۇرعىن ءۇي قۇنىنىڭ 20 پايىزىنان كەم بولمايتىن مولشەردە باستاپقى جارنا سالۋ؛
3) 3 ايلىق تولەم مولشەرىندە كەپىلدىك جارناسىن سالۋ؛
4) ساتىپ الىنعان تۇرعىن ءۇيدى ءبولىپ تولەۋ كەزەڭىنە ساقتاندىرۋ.
«تولەمدى ءبولىپ تولەۋ مەحانيزمى بويىنشا تەك 1 پاتەر جانە 2-دەن اسپايتىن كولىك تۇراعىنىڭ ورىندارىن ساتىپ الۋعا بولادى. ساتىپ الۋ- ساتۋ شارتى بويىنشا تولەمدى ءبولىپ تولەۋ مەرزىمى ءوتىنىش بەرۋشىنىڭ 70 جاسقا تولۋىمەن شەكتەلەدى. بۇگىنگى تاڭدا «بايتەرەك ديەۆەلوپمەنت» ا ق جاڭا مەحانيزمىنىڭ نەگىزگى شارتتارىن پىسىقتاۋدى اياقتاپ، قاجەتتى ىشكى قۇجاتتار بەكىتىلگەن. ءوتىنىش بەرۋشى پروتسەسىن اۆتوماتتاندىرۋ جانە ءوتىنىش بەرۋشىنىڭ تولەم قابىلەتتىلىگىن تەكسەرۋ ءىس- شارالارى اياقتالۋ كەزەڭىندە تۇر»، - دەيدى اسقاربەك وسەربايەۆ.
ءوتىنىش بەرۋشىنىڭ ءوتىنىمى بۇرىنعىشا Digital Baiterek پورتالى ارقىلى جۇزەگە اسىرىلادى. ءوتىنىش بەرۋشىنىڭ جاڭا مەحانيزمدى تاڭداۋى ءۇشىن «تولەم ءتاسىلى» باعانىندا «ءبولىپ تولەۋ ارقىلى وتكىزۋ» قىزمەتىن كورسەتۋى جانە قارجىلاي مۇمكىندىگىنە قاراي باستاپقى جارناسىنىڭ مولشەرىن ءوزى بەلگىلەۋى قاجەت. ءوتىنىشى بەرۋشىنىڭ تولەم قابىلەتتىلىگىن ەسەپتەۋ «قازاقستاننىڭ تۇرعىن ءۇي قۇرىلىس جيناق بانك» ا ق ەلەكتروندىق پلاتفورماسى ارقىلى جۇزەگە اسىرىلادى.
وتكىزۋدىڭ جاڭا ءادىسىنىڭ ەنگىزىلۋىنە قاراماستان تۇرعىن ءۇيدى بۇرىن قولدانىلعان مەحانيزمدەرى بويىنشا: جەكە قاراجاتى ەسەبىنەن نەمەسە ە د ب قاراجاتىن الۋ جولىمەن (يپوتەكالىق نەسيەلەۋ) ساتىپ الۋعا بولادى. ساتۋعا ۇسىنىلاتىن تۇرعىن ۇيلەردەن 193 پاتەر «7-20-25» باعدارلاماسىنىڭ شارتتارىنا سايكەس كەلەدى.
اۆتور: ايان بەكەن ۇلى