«فورۋمعا جينالعان ساراپشىلار سانىنىڭ ءوزى بۇل سالاعا قىزىعۋشىلىق مول ەكەنىن بىلدىرەدى. فورۋم سوڭىندا 4 ەلدىڭ، اتاپ ايتقاندا رەسەي، ارمەنيا، قىرعىزستان جانە قازاقستان تەحنوپاركتەرىنىڭ اراسىندا ءوزارا ىنتىماقتاستىق تۋرالى مەموراندۋمعا قول قويىلادى. اتالعان ۋاعدالاستىق اياسىندا جوبالاردىڭ جۇزەگە اسۋىنا باسا ءمان بەرىلەدى. اتالعان ۇيىمدار ءوزارا تىعىز بايلانىستا بولماق. ودان بولەك، بىزگە باسقا ەلدەر تەحنوپاركتەرىنىڭ جوبالارى، وزىق تاجىريبەلەرى، وقىتۋ باعدارلامالارى ۇلكەن قىزىعۋشىلىق تۋعىزىپ وتىر. ولارعا كەرىسىنشە، ءبىزدىڭ جوبالار قىزىقتى بولۋى مۇمكىن»، - دەدى ادىلەت نۇرعوجين.
سونىمەن قاتار، ول قازاقستاندىق كاسىپكەرلەردىڭ ءوز وندىرىستەرىن اۆتوماتتاندىرۋعا ۇمتىلىپ وتىرعانىن ايتتى.
ونىڭ ايتۋىنشا، «استانا حاب» ستارتاپتارىنىڭ كوپشىلىگى ينتەرنەت ساۋداسى سالاسىندا.
بۇگىن ەۋرازيالىق ەكونوميكالىق وداق ۇكىمەت باسشىلارى الماتىدا ءوتىپ جاتقان فورۋم بارىسىندا سيفرلاندىرۋ ماسەلەلەرىن تالقىلاپ جاتىر. جيىندى ق ر اقپارات جانە كوممۋنيكاتسيالار مينيسترلىگى ۇيىمداستىردى.
«جاھاندانۋ داۋىرىندەگى تسيفرلاندىرۋدىڭ كۇن ءتارتىبى 2.0.» ءداستۇرلى فورۋمى نۇرسۇلتان نازاربايەۆتىڭ باستاماسىمەن وتكىزىلىپ كەلەدى. القالى جيىن ە ا ە و مۇشە ەلدەرى اراسىندا سيفرلىق تەحنولوگيالاردى بىرىگە دامىتۋعا باعىتتالعان.