قازاقستاندىق عالىمدار تيتان قالدىقتارىنان بىرنەشە ءونىم الۋعا بولاتىنىن انىقتادى
09:30, 01 - اقپان 2019
استانا. قازاقپارات - جەر قويناۋىنداعى ەڭ بەرىك مەتالدى قايتا بالقىتىپ، بىرنەشە ءونىم الۋعا بولادى. بۇعان دەيىن پايدالانىلعان تيتاننىڭ قالدىقتارى كەرەكسىز بولىپ قالاتىن.
قازاقستاندىق عالىمدار ەندى ونى قايتا وڭدەپ ساپاسى جوعارى بوياۋ جاساۋعا، سۋدى تازارتۋعا جانە تەرى يلەۋگە قاجەتتى قوسپالار وندىرۋگە بولاتىنىنا كوز جەتكىزىپ وتىر.
«بۇل جاڭالىق ەلىمىزدىڭ ەكونوميكاسى ءۇشىن ماڭىزى وتە زور»، - دەيدى عالىمداردىڭ وزدەرى.
ءابدۋالى باەشوۆ، ۇ ع ا اكادەميگى، قازاقستاننىڭ ەڭبەك سىڭىرگەن ونەرتاپقىشى:
- ەرىمەيتىن تيتاندى ەريتىن ەتتىك. كادىمگى سۋلى ەرىتىندىدە تيتان قانت سياقتى ەري باستايدى. ەندى تيتاننىڭ بارلىق قالدىقتارىن ءبىز قورىتا الامىز. ودان قاجەتتى قوسپالاردى الامىز.
www.24.kz