قانات يسلام قازاقستان اتىن شىعاراتىن بوكسشىلاردى اتادى
WBO NABO جانە WBA Inter- Continental بەلبەۋلەرىنىڭ يەگەرى كاسىپقوي بوكستاعى قازاقستاندىق بىرنەشە سپورتشىنى ەرەكشە اتاپ ءوتتى.
«جاقسى بوكسشىلار كوپ، جاقىندا سادريدديننىڭ جەڭىسىنە كۋا بولدىق. باستاپقىدا-اق وليمپياداعا قاتىساتىن بولسا، قازاقستان قورجىنىنا جۇلدە سالاتىن وسى ەكى جىگىت - سادريددين احمەدوۆ پەن جانىبەك ءالىمحان ۇلى دەپ ويلايمىن. بۇرىن دا سولاي ويلايتىنمىن، ويتكەنى سپاررينگكە تۇرىپ كورگەنمىن. الەۋەتىن جاقسى بىلەمىن. بۇيىرسا ولار ءالى ۇلكەن بيىكتەرگە جەتىپ، الەمدى شۋلاتادى دەگەن ويدامىن»، - دەيدى بوكسشى.
سونىمەن قاتار، قانات يسلام ا ق ش-تا ونەر كورسەتىپ جۇرگەن تاعى ەكى سپورتشى جايلى پىكىر ءبىلدىردى. «سوسىن تاعى ەكى جىگىتىمىز بار - ماديار اشكەيەۆ پەن مەيىرىم نۇرسۇلتانوۆ. مىقتى بولماسا، كەم ەمەس»، - دەپ اتاپ ءوتتى قازاقستاندىق كاسىپقوي.
ەسكە سالايىق، 20 جاستاعى قازاقستاندىق سادريددين احمەدوۆ (7-0، 7 ك و) كانادانىڭ مونرەال قالاسىندا وتكەن جەكپە-جەكتە ءتورتىنشى راۋندتا 22 جاستاعى مەكسيكالىق ابراحام حۋارەستى (13-5، 5 ك و) نوكاۋتقا ءتۇسىرىپ، ورتا سالماقتا WBC ۇيىمىنىڭ جاستار اراسىنداعى چەمپيونى اتاندى.
Kaz.tengrinews.kz