نازاربايەۆ ۇكىمەتكە تۇرعىن ءۇي باعدارلامالارىن قايتا تالداۋدى تاپسىردى

استانا. قازاقپارات - كەشە ق ر ۇكىمەتىنىڭ كەڭەيتىلگەن قۇرامداعى وتىرىسىندا ەلباسى نۇرسۇلتان نازاربايەۆ ەلىمىزدىڭ تۇرعىن ءۇي باعدارلامالارىنا قايتا تالداۋ جاساۋدى تاپسىردى، دەپ حابارلايدى قازاقپارات ءتىلشىسى.

 ق ر پرەزيدەنتىنىڭ دەرەگىنشە، «7-20-25» باعدارلاماسى بويىنشا 3700 قازاقستاندىق باسپانالى بولدى. دەگەنمەن، حالىقتىڭ بارلىق ساناتىنا بىردەي تۇرعىن ءۇي باعدارلامالارىنىڭ قىزىعۋىن كورۋ بۇيىرماي وتىر. وعان جەتكىلىكتى تابىستىڭ بولماۋى، سالىنىپ جاتقان ۇيلەردىڭ تاپشىلىعى سىندى فاكتورلار اسەر ەتۋدە.

 «مەن «كىمدە باسپانا جوق، سوعان بەر» دەسەم، اكىمدەر «باسپانا جاعدايىن جاقسارتقىسى كەلگەندەرگە بەرەيىك» دەيدى. ارينە ولارعا بەرۋگە بولادى. الايدا ولاردىڭ سانى ارتىپ كەتەدى. ودان دا باسپاناسى جوقتارعا بەرەيىك. ءۇيى بارلار ونى ارزان باعامەن الادى دا جالعا بەرىپ قويىپ اقشا تابادى. ال ءبىز بۇگىندە باسپاناسى جوقتاردى قامتاماسىز ەتۋىمىز قاجەت. ال ولار ەڭ الدىمەن جاس وتباسىلار. سوندىقتان حالىقارالىق الدىڭعى قاتارلى تاجىريبەلەردى ەسكەرە وتىرىپ، حالىقتىڭ بارىنشا مول ساناتىنا قولجەتىمدىلىگىن قامتاماسىز ەتۋ ءۇشىن تۇرعىن ءۇي باعدارلامالارىمىزدى قايتادان ءبىر تالداۋدى تاپسىرامىن»، - دەدى نۇرسۇلتان نازاربايەۆ.

 سونىمەن قاتار ەلباسى استانا، الماتى جانە شىمكەنت قالالارىندا جۇمىسشى جاستارعا ارنالعان 1 مىڭ پاتەر سالىناتىندىعىن ايتتى.

اۆتور: مارلان جيەمباي